ৰাজ্যত বৃদ্ধি পাইছে লক্ষণহীন ক'ভিড আক্রান্ত ৰোগীৰ সংখ্যা: জি এম চি এইচ অধীক্ষক

গুৱাহাটী, ২১ জানুৱাৰীঃ জি এম চি এইচৰ অধীক্ষক ড০ অভিজিত শৰ্মাই শুকুৰবাৰে কয় যে, ৰাজ্যখনত ক'ভিড-১৯ ৰ ক্ষেত্ৰত দ্ৰুত গতিত বৃদ্ধি পাইছে, যাৰ ভিতৰত লক্ষণহীন ৰোগীৰ সংখ্যা আটাইতকৈ বেছি।

সংবাদমেল সম্বোধন কৰি জি এম চি এইচৰ অধীক্ষক গৰাকীয়ে কয় যে, "বমি, মুৰৰ বিষ, পেটৰ বিষ, আৰু শৰীৰৰ বিষৰ দৰে লক্ষণবোৰ সাধাৰণ লক্ষণ যিবোৰ ক'ভিড আক্ৰান্ত ৰোগীৰ দেহত দেখিবলৈ পোৱা গৈছে।"

ইপিনে, ভৰ্তি হোৱা ৰোগীৰ সংখ্যাৰ বিষয়ে এক তথ্য প্ৰদান কৰি তেওঁ কয়, "বৰ্তমান জি এম চি এইচত ৩২০ জন ক'ভিড ৰোগীক ভৰ্তি কৰা হৈছে আৰু চিকিৎসা চলাই থকা হৈছে। ইয়াৰ লগতে ৭৩ জন ৰোগীক সৰুসজাইত ভৰ্তি কৰোৱা হৈছে আৰু ১৬৬ জন ক'ভিড ৱাৰ্ডত আছে।"

জি.এম.চি.এইচ. অধীক্ষক গৰাকীয়ে শেষত কৈছে যে, "এইটো দেখা গৈছে যে নথিভুক্ত কৰা ক'ভিড আক্রান্ত ৰোগীৰ মৃত্যুৰ ভিতৰত, বেছিভাগ ৰোগীৰ আন কিছুমান অন্তৰ্নিহিত ৰোগ বা স্থিতি আছিল।"