গুৱাহাটী-মুৰ্কংচেলেক লাচিত এক্সপ্ৰেছৰ ইঞ্জিন পৰীক্ষা কৰোঁতে গুৱাহাটী ৰে'ল ষ্টেচনত অঘটন

গুৱাহাটী,১৯ জানুৱাৰী:মঙলবাৰে নিশা গুৱাহাটী ৰে'ল ষ্টেচনত বিদ্যুৎপিষ্ট হৈ এজন ৰে'ল চালকৰ মৃত্যু হয়,ঘটনাটো নিশা প্ৰায় ৮:২৫ বজাত সংঘটিত হৈছিল।চালকজনক উজনি অসমৰ গোলাঘাট জিলাৰ বাসিন্দা শিৱ গোস্বামী বুলি চিনাক্ত কৰা হৈছে।

প্ৰতিবেদন অনুসৰি, চালকজনে ষ্টেচনৰ ৭ নং প্লেটফৰ্মত ৰৈ থকা গুৱাহাটী-মুৰ্কংচেলেক লাচিত এক্সপ্ৰেছৰ ইঞ্জিন পৰীক্ষা কৰিবলৈ যোৱাৰ সময়ত হাই ভল্টেজ তাঁৰৰ সংস্পৰ্শলৈ আহিছিল।মিনিটৰ ভিতৰতে তেওঁ জ্বলি মৃত্যুমুখত পৰিছিল।ৰে'লকৰ্মচাৰীসকলে তেওঁক এখন চিকিৎসালয়লৈ স্থানান্তৰিত কৰিছিল য'ত চিকিৎসকে তেওঁক মৃত বুলি ঘোষণা কৰিছিল।