ভাৰত পালেহি অ'মিক্ৰনৰ উপ-প্ৰকাৰ বি.এ.২, ধৰা পৰিছে ৫৩০ জন লোক

গুৱাহাটী, ২৪ জানুৱাৰীঃ সমগ্ৰ বিশ্বতে ক'ভিডৰ সংক্ৰমণ আকৌ এবাৰ বৃদ্ধি পাইছে। এনে পৰিস্থিতিত, ক'ভিডৰ নতুন প্ৰকাৰ, অ'মিক্ৰনেও ভয়াবহ ৰূপ ধাৰণ কৰিছে। ঠিক এনেসময়তে ভাৰতত অ'মিক্ৰনৰ উপ-প্ৰকাৰ বি.এ.২ ধৰা পৰিছে, যিয়ে আকৌ এবাৰ জনসাধাৰণৰ মাজত উদ্বেগ বৃদ্ধি কৰিছে। এতিয়ালৈকে ভাৰতত এই উপ-প্ৰকাৰৰ ৪৩০ টা নমুনা পোৱা গৈছে। 

অ'মিক্ৰনৰ উপ-প্ৰকাৰৰ ফলত ব্ৰিটেইনত আতংকময় পৰিৱেশৰ সৃষ্টি কৰিছে। কিন্তু এতিয়া ই ভাৰততো প্ৰৱেশ কৰিছে। স্বাস্থ্য বিশেষজ্ঞসকলৰ মতে, বি.এ.২ উপ-প্ৰকাৰটো অ'মিক্ৰনতকৈ দ্ৰুতগতিত বিয়পে। ব্ৰিটিছ স্বাস্থ্য বিভাগে অ'মিক্ৰনৰ এই উপ-প্ৰকাৰৰ সৈতে সম্পৰ্কিত শতাধিক ঘটনা চিনাক্ত কৰিছে। ব্ৰিটিছ স্বাস্থ্য সুৰক্ষা সংস্থাই দেশত বৰ্ধিত ঘটনাৰ প্ৰতি লক্ষ্য ৰাখি অনুসন্ধানৰ পিছত ইয়াক বি.এ.২ নাম দিছে। 

তথ্য অনুসৰি, জানুৱাৰীৰ প্ৰথম ১০ দিনত, ব্ৰিটেইনত এই প্ৰকাৰটোৰ ৪০০ ৰো অধিক লোক চিনাক্ত হৈছে। এক অনলাইন বাতৰি মাধ্যমৰ প্ৰতিবেদন অনুসৰি, ভাৰতত অ'মিক্ৰনৰ উপ-প্ৰকাৰৰ ৫৩০ জন, চুইডেনত ১৮১ জন আৰু ছিংগাপুৰত ১২৭ জন লোক আক্ৰান্ত হৈছে। 

বিশ্ব স্বাস্থ্য সংস্থাই অ'মিক্ৰন প্ৰকাৰটোক 'উদ্বেগৰ প্ৰকাৰ' বুলি বৰ্ণনা কৰিছে। এইটো বিশ্বাস কৰা হৈছে যে ইয়াৰ উপ-প্ৰকাৰ বি.এ.২ একে। অৰ্থাৎ, এই দুয়োটাৰ মাজত কোনো গুৰুত্বপূৰ্ণ পাৰ্থক্য নাই। অৱশ্যে, বিজ্ঞানীসকলে ভৱিষ্যতে মহামাৰীৰ বিয়পি পৰাত কেনেদৰে প্ৰভাৱিত কৰিব পাৰে নিৰ্ধাৰণ কৰিবলৈ ইয়াৰ ওপৰত তীক্ষ্ণ দৃষ্টি ৰাখিছে।

প্ৰতিবেদন অনুসৰি, এতিয়ালৈকে প্ৰায় ৪০ খন দেশত অ'মিক্ৰনৰ নতুন উপ-প্ৰকাৰ চিনাক্ত কৰা হৈছে। ডেনমাৰ্কে সৰ্বাধিক সংখ্যক বি.এ.২ ৰোগী আক্রান্ত হৈছে।