যোৰহাটত অ’ এন জি চিৰ তেল পৰিবাহী পাইপ লাইনত অগ্নিকাণ্ড

যোৰহাট, ২৩ জানুৱাৰী : যোৰহাটৰ উপকণ্ঠ চিনামৰাত আজি অ’ এন জি চিৰ  তেল পৰিবাহী  পাইপ লাইনত  সংঘটিত ভয়াবহ অগ্নিকাণ্ডই আতংকময় পৰিবেশৰ সৃষ্টি কৰে ৷ অঞ্চলটোৰ  চৰ্দাৰআলি তিমতিমিয়া গাঁৱৰ কাষেৰে যোৱা পাইপলাইনত হয় এই ঘটনাটো ৷  পূৱা প্ৰায় ৮ বজাত এই  ঘটনা পোহৰলৈ অহাৰ পিছতে  স্থানীয় ৰাইজ আতংকিত হৈ পৰে ৷

অৱশ্যে  ঘটনাৰ খবৰ পাই  যোৰহাট , মৰিয়নি , তিতাবৰৰ পৰা অহা ৭খন অগ্নিনিৰ্বাপক বাহনে ২ ঘন্টাৰ অন্তত পৰিস্থিতি নিয়ন্ত্ৰন কৰিবলৈ সক্ষম হয় ৷ জানিব পৰা মতে, অ’ এন জি চিৰ  বৰহোলাত থকা জি জি এচৰ পৰা  চাৰিগাঁৱত থকা  অইলৰ পাম্পিং ষ্টেচনলৈ  এই  পাইপ লাইনেৰে  তেল সৰবৰাহ হয় ৷  ঘটনাৰ কাৰণ জানিব পৰা নাই৷