টিকট অবিহনে কৰিব পাৰিব ৰে'লত ভ্ৰমণ; ৰে'লৱেৰ এই বিশেষ নিয়মটো জানক

গুৱাহাটী, ২৪ জানুৱাৰীঃ ৰে'লত ভ্ৰমণ কৰা সকলৰ বাবে এক সুখবৰ। এতিয়াৰ পৰা যদিহে হঠাতে কোনোবাই ভ্ৰমণ কৰিব লগা হয়, তেন্তে আতংকিত হোৱাৰ কোনো প্ৰয়োজন নাই। কাৰণ এতিয়াৰে পৰা সংৰক্ষণৰ নিয়ম অবিহনেও ভ্ৰমণ কৰিব পৰা যাব। ইয়াৰ পূর্বে হঠাতে ভ্ৰমণ কৰিব লগা হ'লে তৎকাল টিকট বুকিং নিয়মৰ বিকল্প আছিল। কিন্তু সেই প্ৰক্ৰিয়াত টিকট পোৱাটোও ইমান সহজ নাছিল। এনে পৰিস্থিতিত, ৰে'লৱেই জনসাধাৰণৰ বাবে এনে এক সুবিধা প্ৰদান কৰিছে যাৰ অধীনত এতিয়া যাত্ৰীয়ে সংৰক্ষণ অবিহনে ভ্ৰমণ কৰিব পাৰিব।

যদি কাৰোবাৰ সংৰক্ষণ নাই আৰু যাত্ৰীগৰাকীয়ে ৰে'লযোগে কৰবালৈ যাব লগা হয়, তেন্তে তেওঁ কেৱল প্লেটফৰ্মৰ টিকটৰে ৰে'লত উঠিব পাৰিব। তাৰ পিছত যাত্ৰীগৰাকীয়ে টিকট নিৰীক্ষকৰ ওচৰলৈ গৈ অতি সহজে টিকট তৈয়াৰ কৰিব পাৰিব। এই নিয়মটো ৰে'লৱেই নিজেই প্ৰস্তুত কৰিছে। ইয়াৰ বাবে, যাত্ৰীয়ে প্লেটফৰ্ম টিকট লৈ লগে লগে টিকট নিৰীক্ষকৰ সৈতে যোগাযোগ কৰিব লাগিব। তেতিয়া নিৰীক্ষক গৰাকীয়ে যাত্ৰীগৰাকীৰ গন্তব্য স্থানলৈকে এটা টিকট তৈয়াৰ কৰি দিব।

যদি ৰে'লখনত আসন খালী নাথাকে, টিটিইয়ে যাত্ৰীগৰাকীক সংৰক্ষিত আসন দিবলৈ অস্বীকাৰ কৰিব পাৰে। কিন্তু, ভ্ৰমণ বন্ধ কৰিব নোৱাৰে। যদি কাৰোবাৰ সংৰক্ষণ নাথাকে, এনে পৰিস্থিতিত, যাত্ৰীৰ পৰা ২৫০ টকাৰ জৰিমনা মাচুলৰ সৈতে, যাত্ৰাৰ মুঠ ভাড়া পৰিশোধ কৰি টিকট টো প্ৰাপ্ত কৰিব পাৰিব। 

এতিয়াৰে পৰা প্লেটফৰ্ম টিকটটোৰে যাত্ৰীক ৰে'লত উঠিবলৈ অধিকাৰ দিয়া হ'ব। ইয়াৰ সৈতে, যাত্ৰীজনে একেটা ষ্টেচনৰ পৰা ভাড়া পৰিশোধ কৰিব লাগিব য'ৰ পৰা তেওঁ প্লেটফৰ্মৰ টিকট লৈছে। ভাড়া লোৱাৰ সময়ত, প্ৰস্থান কেন্দ্ৰটোও একেটা ষ্টেচন হিচাপে বিবেচনা কৰা হ'ব। লগকে আটাইতকৈ ডাঙৰ কথাটো হ'ল যে যাত্ৰীগৰাকীয়ে ভ্ৰমণ কৰিব লগা একেটা শ্ৰেণীৰ ভাড়াও পৰিশোধ কৰিব লাগিব।

যদি কাৰোবাৰ ৰে'লখন কোনো কাৰণত এৰি যায় তেন্তে টিটিইয়ে পৰৱৰ্তী দুটা ষ্টেচনলৈকে যাত্ৰীগৰাকীৰ আসন কাকো আৱণ্টন কৰিব নোৱাৰে। অৰ্থাৎ পৰৱৰ্তী দুটা ষ্টেচনত, যাত্ৰীগৰাকী ৰে'লত উপস্থিত হৈ যাত্ৰা সম্পূৰ্ণ কৰিব পাৰে।

কিন্তু মনত ৰাখিব যে, দুটা ষ্টেচনৰ পিছত, টিটিইয়ে সংৰক্ষিত টিকট থকা এজন যাত্ৰীক আসন আৱণ্টন কৰিব পাৰে। কিন্তু তেওঁৰ ওচৰত দুটা ষ্টেচনৰ বিকল্প আছে।