'কোনো শিক্ষককে গ্ৰেপ্তাৰ কৰা নহয়',পাটনাৰ জ্যেষ্ঠ আৰক্ষী অধীক্ষকৰ এক বিশেষ মন্তব্য

গুৱাহাটী,২৮ জানুৱাৰী:আৰআৰবি আৰু এনটিপিচি পৰীক্ষাৰ বিৰুদ্ধে চলি থকা আন্দোলনত শিক্ষাৰ্থী আৰু চাকৰি প্ৰত্যাশি সকলক উত্তেজিত কৰাৰ অভিযোগৰ সন্মুখীন হোৱা প্ৰশিক্ষণ কেন্দ্ৰসমূহৰ শিক্ষকসকলক এক সকাহ দি শুক্ৰ বাৰে পাটনাৰ আৰক্ষীয়ে এতিয়া কোনো ধৰণৰ তেনে গ্ৰেপ্তাৰ কৰাৰ কথা অস্বীকাৰ কৰে।

পাটনাৰ জ্যেষ্ঠ আৰক্ষী অধীক্ষক মানৱজিৎ সিং ধিলনে কয় যে বিভিন্ন আৰক্ষী থানাত প্ৰশিক্ষণ প্ৰতিষ্ঠানৰ শিক্ষক আৰু মালিকসকলৰ বিৰুদ্ধে এজাহাৰ পঞ্জীয়ন কৰা হৈছে কিন্তু বিভাগটোৱে তাৎক্ষণিক গ্ৰেপ্তাৰৰ ফালে চোৱা নাই।

তেওঁ কয়,"আমি তেওঁলোকক উচিত সুযোগ দিয়াৰ সিদ্ধান্ত লৈছো। আমাৰ ওচৰত ইউটিউব, হোৱাটছএপ আৰু টুইটাৰৰ দৰে সামাজিক মাধ্যমৰ ভিডিঅ' ফুটেজ আছে। এই ভিডিঅ' ফুটেজটো অভিযুক্ত শিক্ষকসকলৰ বিবৃতিৰ সৈতে ক্ৰছ চেক কৰা হ'ব আৰু তাৰ পিছত তেওঁলোকৰ বিৰুদ্ধে ব্যৱস্থা লোৱা হ'ব," 

পাটনা আৰক্ষীয়ে তেওঁলোকৰ নিজ নিজ ইউটিউব চেনেলৰ জৰিয়তে শিক্ষাৰ্থী আৰু চাকৰি প্ৰাৰ্থীসকলক উত্তেজিত কৰাৰ বাবে 'খান ছাৰ', এছ.কে. ঝা, 'নবীন ছাৰ', 'অমৰনাথ ছাৰ', গগন প্ৰতাপ আৰু গোপাল বাৰ্মাৰ বিৰুদ্ধে এজাহাৰ পঞ্জীয়ন কৰিছে।