যশ ঢুলৰ দুৰ্দান্ত শতৰানেৰে ভাৰতৰ জয়, শনিবাৰে ভাৰত মুখামুখী হ’ব ইংলেণ্ডৰ

গুৱাহাটী,৩ ফেব্ৰুৱাৰী:যশ ঢুলৰ দুৰ্দান্ত শতৰান আৰু শ্বেখ ৰচিদৰ ৯৪ ৰানৰ ওপৰত নিৰ্ভৰ কৰি অষ্ট্ৰেলিয়াক ৯৬ ৰানত হৰুৱাই ১৯- অনূর্ধ্ব বিশ্বকাপ ক্ৰিকেটৰ ফাইনেলত প্ৰৱেশ কৰিছে ভাৰতে৷ অহা শনিবাৰে ভাৰত ফাইনেল খেলত মুখামুখী হ’ব ইংলেণ্ডৰ। 

প্রথমে বেটিং কৰিবলৈ নামি ভাৰতে পাঁচ উইকেটত ২৯০ ৰান সংগ্ৰহ কৰে। প্ৰত্যুত্তৰত অষ্ট্ৰেলিয়াৰ ইনিংছ থমকি ৰয় মাত্ৰ ১৯৪ ৰানতে।উল্লেখ্য ভাৰতৰ হৈ ১০টা চাৰি আৰু এটা ছয়েৰে ১১০ বলত ১১০ ৰান কৰে যশে। আনহাতে, ১০৮ বলত ৯৪ ৰান সংগ্ৰহ কৰে ৰচিদে।অন্তিম চাৰি অভাৰত নিশান্ত সিন্ধু (১০ বলত অপৰাজিত ১২) আৰু দীনেশ বানাই (৪ বলত অপৰাজিত ২০) খৰতকীয়া ৰানেৰে ভাৰতক বৃহৎ স্ক’ৰ দিয়ে।