শৰীৰৰ ডিঅ'ড্ৰেণ্ট লগোৱাৰ পিছত উশাহ লওঁতে মৃত্যু হ'ল এগৰাকী ১৬ বছৰীয়া কিশোৰীৰ

গুৱাহাটী, ১১ মেঃ বৰ্তমান সকলোৱে নিজকে মানুহৰ ভিৰৰ মাজত থিয় কৰাবলৈ আৰু সকলোৱে নিজৰ ব্যক্তিত্ব উন্নত কৰিবলৈ ফেশ্বনৰ প্ৰতি অধিক মনোযোগ দিয়ে। ফেশ্বনৰ বাবে বহুপ্ৰকাৰৰ সামগ্ৰীও বজাৰত আহিছে। ইয়াৰ মাজতে, বৰ্তমান সময়ত ব্যাপকহাৰত বজাৰ দখল কৰা সামগ্রী বিধ হৈছে ডিঅ'ড্ৰেণ্ট অৰ্থাৎ বডী স্প্ৰে, যি যুৱপ্ৰজন্মৰ মাজত যথেষ্ট জনপ্ৰিয়।

গ্ৰীষ্মকালত ইয়াৰ অধিক হাৰত ব্যৱহাৰ কৰা হয়, কিন্তু কোনোবাই কেতিয়াবা ভাবিছে নে যে শৰীৰত লগোৱা বডী স্প্ৰেও মাৰাত্মক হ'ব পাৰে। এইটো শুনি কোনেও হয়টো বিশ্বাস নকৰিব পাৰে, কিন্তু অষ্ট্ৰেলিয়াত, বডী স্প্ৰে' লগোৱাৰ ফলত এজনী ছোৱালী কৰুণ মৃত্যু হৈছে।

প্ৰতিবেদন অনুসৰি এনি নামৰ এগৰাকী মহিলা অষ্ট্ৰেলিয়াৰ নিউ চাউথ ৱেলছত তেওঁৰ পৰিয়ালৰ সৈতে বাস কৰে। তেওঁৰ পৰিয়ালত ব্ৰুক ৰিয়ান নামৰ এজনী ১৬ বছৰীয়া ছোৱালীও আছে। ২০২২ চনৰ ৩ ফেব্ৰুৱাৰীত, এনী তেওঁৰ কামত ব্যস্ত আছিল আৰু তেতিয়া ছোৱালীজনী বাহিৰলৈ যাবলৈ সাজু হৈ আছিল।

পিছত এনিয়ে যেতিয়া দীৰ্ঘ সময়ধৰি ছোৱালীজনীৰ মাত শুনিবলৈ নাপাই, কোঠাত প্ৰৱেশ কৰে। এনিয়ে ভিতৰলৈ যোৱাৰ সময়ত যি দেখে, তেওঁ স্তম্ভিত হৈ পৰে। তেওঁ দেখে যে ছোৱালীজনীৰ মুখখন তলমুৱা হৈ আছিল আৰু কাষত বডী স্প্ৰে' আৰু এখন টাৱেল ছোৱালীজনীৰ কাষত পৰি আছিল।

এই ক্ষেত্ৰত এতিয়ালৈকে বিশ্বাস কৰা হৈছে যে এৰোচ'ল নামৰ বডী স্প্ৰে' উশাহত লোৱাৰ পিছত হৃদৰোগত আক্ৰান্ত হৈ ব্ৰুকৰ মৃত্যু হৈছে। চিকিৎসকৰ মতে, ইয়াক 'ক্ৰমিং' বুলি কোৱা হয়। ব্ৰুকৰ মাক এনিয়ে বিশ্বাস কৰে যে তেওঁ ছোৱালীজনীৰ মৃত্যুৰ কাৰণ হৈছে চাডেন স্নিফিং ডেথ চিণ্ড্ৰোম। প্ৰকৃততে ব্ৰুকও উদ্বেগত ভুগি আছিল। অৱশ্যে, ব্ৰুকৰ চিকিৎসা আৰু অনুসন্ধান প্ৰতিবেদন এতিয়াও অহা নাই।  

শেহতীয়াকৈ ৰচেষ্টাৰ চিকিৎসা কেন্দ্ৰ বিশ্ববিদ্যালয়ৰ পৰা এটা প্ৰতিবেদন আহিছে। ইয়াৰ মতে, যদি কোনোবাই এৰোচ'ল স্প্ৰে বা দ্ৰাৱকত থকা ৰাসায়নিক পদাৰ্থ দীঘলীয়া সময়ৰ বাবে উশাহত লয়, তেনেহ'লে তেওঁৰ হৃদৰোগত আক্রান্ত হোৱাৰ লগতে হৃদযন্ত্ৰৰ সৈতে সম্পৰ্কিত আন বহুতো সমস্যা হ'ব পাৰে।

ই আনকি সেই ব্যক্তিজনক মৃত্যুলৈ ঠেলি নিব পাৰে। প্ৰকৃততে, বৃহৎ পৰিমাণৰ ৰাসায়নিক পদাৰ্থ উশাহত লোৱাৰ পিছত অক্সিজেন শৰীৰৰ ভিতৰলৈ নাযায়। ইয়াৰ ফলত শ্বাসৰুদ্ধ হয় আৰু ব্যক্তিজনৰ মৃত্যু হয়।