উত্তৰ-পূবত নিজৰ অংশীদাৰ নেটৱৰ্ক আৰু গ্ৰাহকৰ স্থিতি সম্প্ৰসাৰণ কৰাৰ পৰিকল্পনা প্ৰস্তুত লোডশ্বেয়াৰ নেটৱৰ্কৰ

গুৱাহাটী, ২০ মেঃ ভাৰতৰ উত্তৰ-পূৰ্বাঞ্চলত নিজৰ ভেটি সবল কৰাৰ উদ্দেশ্যৰে ভাৰতৰ সৰ্বাধিক দ্ৰুতগতিত বৃদ্ধি পোৱা এক্সপ্ৰেছ লজিষ্টিক কোম্পানি লোডশ্বেয়াৰ নেটৱৰ্কে ২০ মে’, ২০২২ তাৰিখে খানাপাৰাৰ গ্ৰীণউড ৰিজৰ্টত উত্তৰ-পূব এল এছ এন পাৰ্টনাৰ্ছ মিট ২০২২ৰ আয়োজন কৰে। এই অনুষ্ঠানত সমগ্ৰ উত্তৰ-পূৰ্বাঞ্চলৰ পৰা ১৫০ জনতকৈ অধিক অংশীদাৰ, ৫০ জন ক্লায়েণ্ট, ১০০ জন কৰ্মচাৰী, আৰু এল এছ এন কৰ্পৰেট দলৰ প্ৰায় ৩০ জন সদস্যই অংশগ্ৰহণ কৰে।

লোডশ্বেয়াৰে প্ৰযুক্তি, পৰিচালনাৰ জ্ঞান আৰু এটা ভাৰতব্যাপী নেটৱৰ্কৰ সৈতে লজিষ্টিকত ক্ষুদ্ৰ আৰু মজলীয়া উদ্যোগসমূহক (এছএমই) সক্ষম কৰে। ই ই-কমাৰ্চ, খাদ্য ডেলিভাৰী, দ্ৰুত বাণিজ্য, পৰিবহণ আৰু গুদামৰ সকলো আগশাৰীৰ গ্ৰাহকক সেৱা আগবঢ়োৱা প্ৰথম মাইলৰ পৰা আৰম্ভ কৰি, লাইন-হ’ল, শেষ মাইল ডেলিভাৰীলৈ সেৱা আগবঢ়ায় বুলি সংস্থাটোৱে জানিবলৈ দিয়ে। 

এই সন্দৰ্ভত লোডশ্বেয়াৰৰ সহ-প্ৰতিষ্ঠাপক তথা মুখ্য কাৰ্যবাহী বিষয়া ৰঘুৰাম তাল্লুৰীয়ে কয় যে, "ভাৰতত যোগান শৃংখলৰ কাৰ্য্যকলাপত থকাৰ বাবে এই সময়খিনি হয়তো আটাইতকৈ ৰোমাঞ্চকৰ সময়। দ্ৰুত বাণিজ্যৰ পৰা উদ্যোগ যোগান শৃংখলালৈকে লজিষ্টিক উদ্যোগটোৱে এক বৃহৎ পৰিৱৰ্তনৰ সন্মুখীন হৈছে। আমি উত্তৰ-পূব ভাৰতৰ গভীৰতালৈ যাব বিচাৰো কাৰণ আমি অঞ্চলটোলৈ ব্যাপক চাহিদা প্ৰবাহিত হোৱাৰ পূৰ্বানুমান কৰিছোঁ আৰু অঞ্চলটোত আঞ্চলিক বিতৰণ নেটৱৰ্ক স্থাপনৰ দিশত এক এক দৃষ্টান্তমূলক পৰিৱৰ্তন হৈছে।"

ইপিনে, অসমৰ সাংস্কৃতিক ৰাজধানী তেজপুৰৰ বাসিন্দা আৰু লোডশ্বেয়াৰৰ সহ-প্ৰতিষ্ঠাপক ৰকিব আহমেদে কয় যে, “আমাৰ সক্ষম আৰু নিষ্পাদনমুখী দলটোৱে আমি মনোনিৱেশ কৰা পদ্ধতি অনুসৰি উত্তৰ-পূবত প্ৰভাৱ বৃদ্ধি কৰি আহিছে। আমি শতাধিক ট্ৰাকৰ মালিক আৰু অংশীদাৰক বিকশিত আৰু পেছাদাৰী কৰি তুলিবলৈ সক্ষম হৈছোঁ, আৰু এই অঞ্চলৰ আটাইতকৈ দূৰৱৰ্তী অংশত কেইবা হেজাৰ স্থানীয় লোকৰ নিয়োগ সৃষ্টি কৰিবলৈ সক্ষম হৈছোঁ। আমি উত্তৰ-পূবৰ সকলো অঞ্চললৈ আৰু অধিক সম্প্ৰসাৰণ কৰিব বিচাৰো আৰু এবছৰৰ ভিতৰত ১০ গুণ বৃদ্ধি হোৱাটো বিচাৰোঁ।"

লোডশ্বেয়াৰৰ স্থাপনা ২০১৭ চনত, মিন্ত্ৰা আৰু মেকিনচেৰ দৰে ব্ৰেন্ডৰ লগত যোগান শৃংখল আৰু প্ৰযুক্তিৰ ক্ষেত্ৰত শক্তিশালী অভিজ্ঞতা থকা ৰঘুৰাম তল্লুৰী, ৰকিব আহমেদ আৰু প্ৰমোদ নায়েৰে কৰিছে। যদিও কোম্পানীটোৰ মুখ্য কাৰ্যালয় বাংগালোৰত আছে, ই উত্তৰ-পূৰ্বাঞ্চলত ইয়াৰ কাৰ্যকলাপ গঢ়ি তোলাৰ বাবে সাহসী পদক্ষেপ গ্ৰহণ কৰিছে। ইয়াৰ উপৰিও, লোডশ্বেয়াৰে এতিয়া সমগ্ৰ পূৱ ভাৰতত ৩৮০০ ৰো অধিক পিন কোড সামৰি লৈছে

লোডশ্বেয়াৰৰ ৮০০ ৰো অধিক শাখা আছে আৰু প্ৰতিদিনে ২,৫০,০০০ ৰো অধিক অৰ্ডাৰ ডেলিভাৰী কৰি ৩২ খনতকৈও অধিক ৰাজ্য আৰু কেন্দ্ৰীয় শাসিত অঞ্চলসমূহত সেৱা আগবঢ়াই আহিছে।