সকলো আই পি এল অনুৰাগীৰ দৃষ্টি নিৱদ্ধ হৈ আছে শচীন তেণ্ডুলকাৰৰ পুত্ৰৰ ওপৰত

গুৱাহাটী, ২১ মেঃ মুম্বাই ইণ্ডিয়ানছে আজি অৰ্থাৎ ২১ মে'ত দিল্লী কেপিটেলছৰ (ডিচি) বিৰুদ্ধে আই পি এল ২০২২ ত তেওঁলোকৰ অন্তিম খন লীগ মেচ খেলিব পাৰিব। মুম্বাই ইণ্ডিয়ানছে আই পি এল ২০২২ ত মাত্ৰ ৩ খন মেচত জয় লাভ কৰিছে।

চলিত বৰ্ষৰ আই পি এলত, মুম্বাই ইণ্ডিয়ানছ দলে এতিয়ালৈকে ১৩ খন খেলৰ ভিতৰত ১০ খন মেচে হেৰুৱাইছে। এতিয়া মুম্বাই ইণ্ডিয়ানছৰ অন্তিম খেলখনত অনুৰাগীসকলে আশা কৰিছে যে মাষ্টাৰ ব্লাষ্টাৰ শচীন তেণ্ডুলকাৰৰ পুত্ৰ অৰ্জুন তেণ্ডুলকাৰে আই পি এলত আত্মপ্ৰকাশ কৰাৰ সুযোগ পাব।

এই বছৰো অৰ্জুন তেণ্ডুলকাৰক মুম্বাই ইণ্ডিয়ানছে ৩০ লাখ টকাৰ নিবিদাত ক্ৰয় কৰিছে। অৰ্জুন তেণ্ডুলকাৰ যোৱা দুবছৰ ধৰি মুম্বাই ইণ্ডিয়ানছ দলৰ অংশ হৈ আছে, কিন্তু তেওঁ এতিয়াও খেলত সুযোগ পাবলৈ ব্যাকুলতাৰে অপেক্ষা কৰি আছে। 

মুম্বাই ইণ্ডিয়ানছৰ কথা ক'লে, মহান ক্ৰিকেটাৰ শচীন তেণ্ডুলকাৰৰ পুত্ৰ অৰ্জুন তেণ্ডুলকাৰে অৱশেষত এখন মেচ পায় নে নাই সেই বিষয়টোৰ ওপৰত জানিবলৈ সকলোৱে আগ্ৰহী হ'ব কিয়নো তেওঁ দুটা ছিজনত ২৭ খন মেচত বেঞ্চত বহিয়ে সময় পাৰ কৰিছে।

ইপিনে, অধিনায়ক ৰোহিত শৰ্মাই ইংগিত দিছে যে, তেওঁ চূড়ান্ত খেলখনত এখন নতুন মুখ চাব বিচাৰিব। এতিয়ালৈকে ২২ জন খেলুৱৈয়ে ১৩ খন খেল খেলিছে। দিল্লী কেপিটেলছৰ (নেট ৰাণ ৰেট +০.২৫৫) সমীকৰণটো অতি সৰল, য'ত তেওঁলোকে কেৱল মুম্বাই ইণ্ডিয়ানছক পৰাস্ত কৰি তালিকাৰ শীৰ্ষ ৪ ত স্থান লাভ কৰিব পাৰিব, যাৰ ফলত ৰয়েল চেলেঞ্জাৰ্ছ বাংগালোৰৰ মুঠ ৰাণ ৰেট হ'ব (-০.২৫৩)।