বিহাৰৰ সমস্তিপুৰ ৰে'ল ষ্টেচনত সংঘটিত এক উদ্বেগজনক ঘটনা,ৰে'লৰ পৰা জঁপিয়াই নামিল চিকিৎসকৰ দল

গুৱাহাটী,১৯ মে':যাত্ৰীসকলৰ জীৱনৰ সৈতে খেলাৰ এক ভয়ংকৰ ঘটনা বিহাৰৰ সমস্তিপুৰ ৰে'ল ষ্টেচনত সংঘটিত হৈছে।দৰাচলতে,এজন যাত্ৰীৰ চিকিৎসাৰ বাবে চিকিৎসকৰ দলে ডবাত উঠাৰ লগে লগে ডিব্ৰুগড়ৰ পৰা দিল্লীলৈ যোৱা ৰাজধানী এক্সপ্ৰেছখন চলিবলৈ আৰম্ভ কৰিছিল যাৰ ফলত চলন্ত ৰে'লখনৰ পৰা তেওঁলোকে জঁপিয়াই পৰিছিল।

এই বিষয়ে তথ্য প্ৰাপ্ত কৰাৰ পিছত ডিআৰএম আলোক আগৰৱালে এক তদন্তৰ নিৰ্দেশ দিছে। ডিআৰএমে লগতে কৈছিল যে অসুস্থ যাত্ৰীজনক পিছত বাৰাউনীত চিকিৎসা কৰা হৈছিল।আমাৰ চিকিৎসা দল উক্ত স্থানত উপস্থিত হৈছিল আৰু যাত্ৰীজনক সহায় কৰিছিল। কিন্তু তেওঁলোক নামি যোৱাৰ আগতে ৰে'লখন চলিবলৈ আৰম্ভ কৰিছিল।প্ৰাপ্ত তথ্য অনুসৰি,বুধবাৰে সন্ধিয়া ডিব্ৰুগড়-নতুন দিল্লী ৰাজধানী এক্সপ্ৰেছ ৰে'লখনৰ কোচ নম্বৰ বি-৫ত এজন ৪০ বছৰীয়া যাত্ৰী অসুস্থ হৈ পৰিছিল।