৩০ ৰ পৰা ৫০ টকালৈ বৃদ্ধি হ'ব গুৱাহাটীৰ আৱৰ্জনা সংগ্ৰহৰ বাবদ পৰিশোধ কৰা মাহিলী মাচুল

গুৱাহাটী, ২৩ মেঃ গুৱাহাটী পৌৰ নিগমৰ (জিএমচি) অন্তৰ্গত অঞ্চলসমূহৰ আৱৰ্জনা সংগ্রহৰ বাবে পৰিশোধ কৰিব লগা মাহিলী মাচুল বৃদ্ধি কৰা হ'ব পাৰে বুলি সোমবাৰে মেয়ৰ মৃগেন শৰনীয়াই জানিবলৈ দিয়ে।

গুৱাহাটীৰ মেয়ৰ আৰু ডেপুটি মেয়ৰে সোমবাৰে পৌৰসভাৰ কৰ্মচাৰীসকলৰ সৈতে চহৰখনৰ কেইবাটাও অঞ্চল পৰিদৰ্শন কৰে। 

লগতে, মেয়ৰ শৰনীয়াই ডেপুটি মেয়ৰ স্মিতা ৰয়ৰ সৈতে গুৱাহাটীৰ উজান বজাৰ অঞ্চলৰ ওচৰৰ বিভিন্ন অঞ্চলত কৰা কামবোৰ পৰিদৰ্শন কৰে।

ইপিনে, মৃগেন শৰনীয়াই আৱৰ্জনা সংগ্রহৰ বাবদ পৰিশোধ কৰিব লগা মাচুল সন্দৰ্ভত কয় যে, "গুৱাহাটীত আৱৰ্জনা সংগ্ৰহৰ মাহিলী মাচুল জুন মাহৰ পৰা বৃদ্ধি কৰা হ'ব। যি প্ৰতি মাহে ৩০ টকাৰ পৰা ৫০ টকালৈ বৃদ্ধি কৰা হ'ব।"

তেওঁ লগতে কয়, "প্ৰায় ১৪ বছৰৰ ভিতৰত প্ৰথমবাৰৰ বাবে এই মাহিলী আৱৰ্জনা সংগ্ৰহৰ হাৰ বৃদ্ধি কৰা হ'ব।"