বিশ্ব স্বাস্থ্য সংস্থাই ক'ভিড মহামাৰী সন্দৰ্ভত দিলে এক নতুন সতৰ্কবাণী

গুৱাহাটী, ২৪ মেঃ ক'ৰনা ভাইৰাছ সংক্ৰমণ কিছু সাম কটাৰ মাজতে, বিশ্ব স্বাস্থ্য সংস্থাৰ মুৰব্বীয়ে শেহতীয়াকৈ পুনৰ এবাৰ সতৰ্ক কৰি দিছে যে, ক'ভিড মহামাৰী নিশ্চিতভাৱে এতিয়াও শেষ হোৱা নাই। আমি চৰকাৰক কৈছোঁ, আমাৰ প্ৰতিৰক্ষা নিয়মবোৰ বিপদৰ সময়ত পাহৰি যোৱা যায়।"

জেনেভাত সংগঠনটোৰ বাৰ্ষিক সভা মুকলি কৰি বিশ্ব স্বাস্থ্য সংস্থাৰ মুৰব্বী টেড্ৰোছ অধানম ঘেব্ৰেয়েচাছে উপস্থিত বিষয়াসকলক কয়, "নমুনাৰ পৰীক্ষা আৰু অনুক্ৰমৰ অভাৱৰ অৰ্থ হৈছে আমি ভাইৰাছটোৰ উপস্থিতিৰ প্ৰতি চকু ফুৰাই আছোঁ।" তেওঁ লগতে উল্লেখ কৰে যে, "নিম্ন আয়ৰ দেশসমূহৰ প্ৰায় এক বিলিয়ন লোকে এতিয়াও ক'ভিড বিৰোধী ভেকছিনৰ পালি লাভ কৰিবলৈ বাকী আছে।"

বিশ্বব্যাপী পৰিস্থিতিৰ ওপৰত আধাৰিত শেহতীয়া সাপ্তাহিক প্ৰতিবেদনৰ পৰিপ্ৰেক্ষিতত, ঘেব্ৰেয়েচাছে কৈছে যে, "মাৰ্চৰ পিছত কেইবা সপ্তাহধৰি নতুনকৈ সংক্ৰমিত ৰোগীৰ হাৰ হ্ৰাস হোৱাৰ পিছত বৰ্তমান কিছু স্থবিৰতা আহিছে লগতে ৰোগীৰ মৃত্যুৰ সংখ্যাও হ্ৰাস পাইছে। "

তেওঁ আৰু কয় যে, "পৰিস্থিতিৰ উন্নতি আৰু বিশ্বৰ জনসংখ্যাৰ ৬০ শতাংশলোকক টিকাকৰণ কৰা হোৱা স্বত্বেও, যেতিয়ালৈকে মহামাৰী সকলো ঠাইতে শেষ নহয় তেতিয়ালৈ ই এনেদৰে মাজে সময়ে দেখা দি থাকিব।"

ইপিনে, ভাৰতৰ তেলেংগানাৰ হায়দৰাবাদত অমিক্ৰন উপ-প্ৰকাৰৰ বিএ-৪ৰ প্ৰথম আক্রান্তৰ খবৰটো নিশ্চিত কৰা হৈছে। জিনোমিক নিৰীক্ষণ কাৰ্যসূচীৰ জৰিয়তে ক'ৰনা ভাইৰাছৰ বি.এ.৪ স্ট্ৰেইন চিনাক্ত কৰা হৈছে। ভাৰতীয় চাৰ্চ-ক'ভিড-২ জিনোমিক্স কনচৰ্টিয়ামে (আইএনএছএচিওজি) নিশ্চিত কৰিছে যে ভাৰতত বিএ.৪ অমিক্ৰন প্ৰকাৰৰ প্ৰথমজন ৰোগী হায়দৰাবাদত চিনাক্ত কৰা হৈছে।

নতুন উপ-প্ৰকাৰবোৰ আলোচনা কৰিবলৈ ইনচাকগে এখন সভাও আহ্বান কৰিছে। বি.এ.৪ ৰ প্ৰথমজন ৰোগী চিনাক্ত হোৱাৰ পিছত, দক্ষিণ আফ্ৰিকাৰ পৰা হায়দৰাবাদলৈ ভ্ৰমণ কৰা ব্যক্তিজনৰ যোগাযোগ অনুসৰণ আৰম্ভ কৰা হৈছে।