শেষ হোৱা নাই ক'ৰনাৰ আতংক : ডেল্টা-অমিক্ৰনৰ পিছত নতুন প্ৰকাৰত আক্রান্ত লোক

গুৱাহাটী, ২৩ মেঃ যদিও ভাৰতত ক'ভিডৰ ভয়াবহতা বৰ্তমান কিছু শাম কাটিছে,  অমিক্ৰন প্ৰকাৰৰ নতুন উপ-প্ৰকাৰে জনসাধাৰণৰ মাজত আকৌ এবাৰ চিন্তিত কৰি তুলিছে।

কেন্দ্ৰীয় সংস্থাই (আইএনএছএচিঅ'জি) ভাৰতৰ অমিক্ৰনৰ দুটা উপ-প্ৰকাৰ বি.এ.৪ আৰু বি.এ.৫ নিশ্চিত কৰিছে। ইয়াৰে এজন তামিলনাডুত আক্রান্ত লোক পোৱা গৈছে আনহাতে আনজন তেলেংগানাত পোৱা গৈছে।

ইণ্ডিয়ান চাৰ্চ ক'ভিড চিকুৱেঞ্চিং এছ'চিয়েশ্যনে (আইএনএছএচিঅ'জি) দেওবাৰে এক বিবৃতিত কয় যে, "তামিলনাডুৰ এগৰাকী মহিলা ভাইৰাছ উপ-প্ৰকাৰৰ বিএ.৪ ৰ দ্বাৰা সংক্ৰমিত হোৱা দেখা গৈছে। মহিলাগৰাকীৰ মৃদু লক্ষণ আছে আৰু তেওঁ ক'ৰনা ভেকছিনৰ দুয়োটা পালি গ্ৰহণ কৰিছে। মহিলাগৰাকীয়ে  ক'তো ভ্ৰমণ কৰা নাই।"

বিবৃতিত আৰু উল্লেখ কৰা হৈছে যে, তেলেংগানাত এজন ৮০ বছৰীয়া বৃদ্ধৰ ভাইৰাছৰ এটা উপ-প্ৰকাৰত আক্রান্ত হৈছে, যাক বি.এ. ৫ বুলি নিশ্চিত কৰা হৈছে। বৃদ্ধ ব্যক্তিজনৰ মৃদু লক্ষণ আছে আৰু তেওঁ ক'ভিডৰ দুয়ো পালি গ্ৰহণ কৰিছে। তেওঁ ক'তো ভ্ৰমণ কৰা নাই।

তাৎপৰ্যপূৰ্ণভাৱে, এই বছৰৰ আৰম্ভণিতে দক্ষিণ আফ্ৰিকাৰ পৰা এনে ধৰণৰ আক্রান্তৰ খবৰ প্ৰথমবাৰৰ বাবে শুনিবলৈ পোৱা গৈছে। কিন্তু এতিয়া এইবোৰ আন বহুতো দেশত বিয়পি পৰিছে। অ'মিক্ৰনৰ দুটা উপ-প্ৰকাৰ বি.এ.৪ আৰু বি.এ.৫ বিশ্বব্যাপী বিয়পি আছে।