লাহোৰৰ পৰা ভাৰতীয় পতাকা দেখা পোৱাৰ দাবী নস্যাৎ,মৰ্ফ কৰা ফটো প্ৰচাৰ কৰা হৈছিল ফেচবুকত

গুৱাহাটী,২৬ মে': আটাৰী-ৱাঘা সীমান্তত উত্তোলন কৰা এখন ভাৰতীয় পতাকাৰ ফটো ছচিয়েল মিডিয়া প্লেটফৰ্মত খুবেই ভাইৰেল হৈ পৰিছে আৰু দাবী কৰা হৈছে যে ই লাহোৰৰ পৰা অৰ্থাৎ পাকিস্তান সীমান্তৰ পৰা প্ৰায় ২০ কিলোমিটাৰ পৰ্যন্ত দৃশ্যমান। ২০১৭ চনত পতাকাখন স্থাপন কৰাৰ পিছৰে পৰা এনে বহুতো ছবি বছৰ ধৰি প্ৰচলিত হৈ আছে। অৱসৰপ্ৰাপ্ত মেজৰ জেনেৰেল হৰ্ষ কক্কৰে ২৪ মে'ত এই ছবিখন শ্বেয়াৰ কৰিছিল, য'ত দাবী কৰা হৈছে যে এই পতাকাখন লাহোৰৰ বজাৰৰ পৰা দৃশ্যমান। 

৩.৫ কোটি টকাৰ বাজেটেৰে ভাৰতৰ পঞ্জাৱ চৰকাৰে আটাৰী সীমান্তত আটাইতকৈ ওখ ৰাষ্ট্ৰীয় পতাকা স্থাপন কৰিছিল। ৫৫ টন ওজনৰ, পতাকাখনৰ দৈৰ্ঘ্য ১২০ ফুট আৰু প্ৰস্থ ৮০ ফুট আছিল। তেতিয়াৰ পঞ্জাৱৰ মন্ত্ৰী অনিল যোশীয়ে ২০১৭ চনত পতাকাখন উদ্বোধন কৰিছিল। উদ্দেশ্য আছিল ই লাহোৰৰ পৰা দৃশ্যমান হয়।ইনষ্টলেশ্বনটো পৰিকল্পনা অনুসৰি হোৱা নাছিল, আৰু এমাহৰ ভিতৰত পতাকাখন একাধিকবাৰ ক্ষতিগ্ৰস্ত হৈছিল। পতাকা আচৰণ বিধি অনুসৰি, ক্ষতিগ্ৰস্ত ৰাষ্ট্ৰীয় পতাকা উত্তোলন কৰাটো অপৰাধ। সেয়েহে, ইয়াৰ ঠাইত এখন তাতকৈ সৰু আকাৰৰ পতাকা উত্তোলন কৰা হৈছিল। পতাকাখন সঁচাকৈয়ে পাকিস্তানৰ ফালৰ পৰা দৃশ্যমান, কিন্তু ইয়াক লাহোৰৰ পৰা দৃশ্যমান নহয় বুলি কোৱা হয়। আমি সাধাৰণতে সম্পূৰ্ণ সমতল পৃষ্ঠতো মাত্ৰ ৫ কিলোমিটাৰ পৰ্যন্তহে দেখা পাওঁ।যদিও লাহোৰ আৰু সীমান্তৰ মাজৰ এলেকা তুলনামূলকভাৱে সমতল তথাপি সেয়া সম্ভৱ নহ'ব।লাহোৰৰ পৰা ভাৰতীয় পতাকা দেখা পোৱাৰ দাবী সেইবাবে নস্যাৎ কৰা হৈছিল আৰু মৰ্ফ কৰা ফটো প্ৰচাৰ কৰা হৈছিল ফেচবুকত।