ৰক্ত শৰ্কৰা সহজে নিয়ন্ত্ৰণ কৰিব পৰা পাকঘৰৰ বিশেষ সামগ্ৰীবিধ

গুৱাহাটী, ২৫ মেঃ যদিও মধুমেহ ৰোগীসকলৰ বাবে ফাৰ্মাচীত বহুতো ঔষধ উপলব্ধ আছে, কিন্তু কিছুমানে ইয়াৰ সৈতে ঘৰুৱা চিকিৎসাও গ্ৰহণ কৰে। ঠিক তেনেদৰে সকলোৰে পাকঘৰত সহজে উপলব্ধ হোৱা হালধিৰেও ৰক্ত শৰ্কৰা নিয়ন্ত্রণত ৰাখিব পাৰি। 

• হালধিয়ে নিয়ন্ত্রণ কৰিব বৰ্ধিত ৰক্ত শৰ্কৰা

হালধি কেৱল শৰীৰৰ আঘাত নিৰাময়ৰ বাবে উপযোগী নহয়, বৰঞ্চ ই মধুমেহ ৰোগীৰ বাবেও অতি উপকাৰী। প্ৰকৃততে, ইয়াত এনে গুণাগুণ থাকে, যাৰ ফলত ৰোগীৰ ৰক্ত শৰ্কৰা সহজে নিয়ন্ত্ৰণ হয়। গতিকে সকলোৱে ইয়াক নিজৰ আহাৰত অন্তৰ্ভুক্ত কৰাটো উচিত। 

• হালধি ব্যৱহাৰ কৰাৰ পদ্ধতি

অৱশ্যে, চিকিৎসকৰ পৰামৰ্শ নোলোৱাকৈ হালধি ব্যৱহাৰ কৰা উচিত নহয়। যিসকলে ইয়াক ব্যৱহাৰ কৰিব বিচাৰে তেওঁলোকে ইয়াক বিভিন্ন ধৰণে ব্যৱহাৰ কৰিব পাৰে।

প্ৰথমতে, ইয়াক যিকোনো তৰকাৰীৰ সৈতে ৰান্ধি খাব পাৰে। ইয়াৰ বাহিৰেও, হালধি ৰস পানীত মিহলি কৰি খাব পাৰে। লগতে, হালধিৰ চাহ মধুমেহ ৰোগীসকলৰ বাবে অতি উপকাৰী। 

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।