ফ্লৰিডাবাসীৰ নিজৰ ভুলৰ বাবেই দিনক দিনে বৃদ্ধি পাইছে বাৰ্মিজ পাইথনৰ আক্ৰমণৰ সংখ্যা

গুৱাহাটী,২৭ মে':আমেৰিকা যুক্তৰাষ্ট্ৰৰ অন্যতম জনবহুল চহৰ ফ্লৰিডাত বৰ্ধিত বাৰ্মিজ পাইথনৰ সংখ্যাই পৰিস্থিতি তন্ত্ৰৰ ওপৰত যথেষ্ট ভাবুকিৰ সৃষ্টি কৰিছে।এই অজগৰবোৰে আৱাসীক এলেকাত প্ৰৱেশ কৰি বহুতো স্থানীয় প্ৰজাতিক হত্যা কৰিছে। সেইবাবে বিশেষজ্ঞসকলে এই অজগৰবোৰক ফ্লৰিডাৰ সৰ্ববৃহৎ আক্ৰমণকাৰী প্ৰজাতি হিচাপে চিহ্নিত কৰিছে। ইয়াৰ মোকাবিলা কৰিবলৈ অনুজ্ঞাপ্ৰাপ্ত ৰেস্কিউৱাৰ সকলে যথেষ্ট চেষ্টা কৰি আহিছে কিন্তু তৎস্বতেও কমা নাই ইয়াৰ আক্ৰমণৰ সংখ্যা।মানুহৰ ঘৰত প্ৰৱেশ কৰা এই সাপবোৰক স্থানান্তৰ কৰিবলৈ ফ্লৰিডাত ৰেস্কিউৱাৰ সকলৰ চাহিদা যথেষ্ট বৃদ্ধি পাইছে।

অজগৰৰ এই সমস্যাৰ ফলত অৱশেষত কিছুমান প্ৰজাতিৰ বিলুপ্তি ঘটাৰো উপক্ৰম হৈছে।এই অজগৰবোৰে প্ৰথমে সৰু জন্তু যেনে ৰেকুন, মেকুৰী নিগনি আৰু সহাপহু হত্যা কৰিছিল। অৱশ্যে যেতিয়া ই ডাঙৰ প্ৰজাতি যেনে এলিগেটৰ আৰু হৰিণ চিকাৰ কৰিবলৈ ধৰিলে তেতিয়াহে ইয়াৰ ভয়াবহতাক অনুমান কৰিব পাৰিলে ফ্লৰিডাবাসীয়ে। ফক্স নিউজৰ বাতৰিত প্ৰকাশ পোৱা অনুযায়ী ফ্লৰিদাত ১,০০,০০০ লৈকে অজগৰ পোৱা যায়।এই অজগৰবোৰৰ বেছিভাগেই পোহনীয়া অজগৰৰ সন্তান যাক অবৈধভাৱে আৰ্দ্ৰভূমিত এৰি দিয়া হৈছিল কাৰণ সেইবোৰ মালিকসকলৰ বাবে পৰিচালনা কৰিবলৈ বহুত ডাঙৰ আৰু বিপদজনক হৈ পৰিছিল। এটা বাৰ্মিজ অজগৰৰ ওজন ২০০ পাউণ্ডলৈকে হ'ব পাৰে আৰু এই ডাঙৰ প্ৰজাতিটোৰ শক্তি ইয়াৰ পথৰ সকলো প্ৰাণীৰ বাবে এক ডাঙৰ ভাবুকি। পোহনীয়া অজগৰবোৰে কৰা এই ধ্বংসাত্মক পৰিস্থিতিৰ বাবে মূল দায়ী ফ্লৰিডাবাসী নিজেই।এই অজগৰবোৰক নিয়ন্ত্ৰণ কৰাৰ বাবে সকলো প্ৰয়োজনীয় সাৱধানতা অৱলম্বন কৰাৰ চেষ্টা ফ্লৰিদা প্ৰশাসনে কৰিছে। দুৰ্ভাগ্যবশতঃ, এতিয়ালৈকে কৰা সকলো প্ৰচেষ্টা বিফলহে হৈছে।