১৭ গৰাকী মহিলাক প্ৰলোভিত কৰি হত্যা কৰা চিৰিয়েল কিলাৰ শ্ৰীনু

গুৱাহাটী, ২৮ মেঃ তেলেংগানাৰ যোগুলাম্বা-গাদৱাল জিলাৰ এখন আদালতে এজন চিৰিয়েল কিলাৰক ১৭ গৰাকী মহিলাক হত্যা কৰাৰ বাবে আজীৱন কাৰাবাসৰ শাস্তি বিহে। সুৰাৰ দোকানত মহিলাসকলৰ সৈতে বন্ধুত্ব কৰাৰ পিছত মহিলাসকলক লক্ষ্য কৰি লোৱা য়েৰুকালী শ্ৰীনু (৪৭)ক এটা হত্যাৰ গোচৰত দণ্ডিত কৰা হৈছে।

অতিৰিক্ত জিলা দণ্ডাধীশে তেওঁক দোষী সাব্যস্ত কৰে আৰু বৃহস্পতিবাৰে চিট্টি এলাইভলাম্মা (৫৩)ৰ হত্যাৰ বাবে তেওঁক আজীৱন কাৰাবাসৰ শাস্তি প্ৰদান কৰে।

চিৰিয়েল কিলাৰজনক ২০১৯ চনত এলাইভলাম্মা হত্যাকাণ্ডৰ গোচৰত গ্ৰেপ্তাৰ কৰা হৈছিল। অনুসন্ধান বিভাগে প্ৰকাশ কৰিছে যে তেওঁ যোৱা দশকত আন ১৬ গৰাকী মহিলাক হত্যা কৰিছে। লগতে, শ্ৰীনুৰ পত্নী ছালাম্মাকো চুৰি সম্পত্তি মজুত কৰাৰ বাবে গ্ৰেপ্তাৰ কৰা হৈছে। 

ঘটনা অনুসৰি সুৰাসক্ত শ্ৰীনুৱে সুৰাৰ দোকানলৈ সুৰাপান কৰিবলৈ অহা মহিলাসকলৰ সৈতে বন্ধুত্ব কৰি তেওঁলোকক বনভোজৰ নামত নিৰ্জন স্থানলৈ লৈ গৈছিল। তেনেদৰে শ্ৰীনুৱে সুৰা পান কৰি তেওঁলোকক হত্যা কৰিছিল আৰু তেওঁলোকৰ সোণ আৰু ৰূপৰ গহনা চুৰি কৰিছিল। অৱশেষত মহাবুবনগৰ জিলাৰ এখন গাওঁৰ ওচৰত আৰক্ষীয়ে এলাইভলাম্মাৰ হত্যাৰ বিৰুদ্ধে অভিযান চলাই শ্ৰীনুক ধৰা পেলাইছিল।

আৰক্ষীয়ে পূৰ্বতে কৰা অনুসন্ধানত প্ৰকাশ পাইছিল যে অভিযুক্তজনে ৰঙাৰেড্ডী আৰু মাহবুবনগৰ জিলাৰ বিভিন্ন স্থানত সুৰাৰ দোকানত অহা অবিবাহিত মহিলাসকলক লক্ষ্য কৰি লৈছিল।

ইপিনে, ২০০৯ চনতো শ্ৰীনুক কিছুমান অপৰাধমূলক গোচৰত দোষী সাব্যস্ত কৰা হৈছিল আৰু কাৰাগাৰলৈ প্ৰেৰণ কৰা হৈছিল। তেওঁৰ ভায়েকৰ হত্যাৰ বাবে তেওঁক আজীৱন কাৰাবাসৰ শাস্তি বিহা হৈছিল, কিন্তু ২০১৩ চনত কাৰাগাৰত ভাল আচৰণৰ বাবে মুক্তি দিয়া হৈছিল।

অৱশ্যে, তাৰ পিছতো তেওঁৰ স্বভাৱৰ কোনো পৰিৱৰ্তন হোৱা নাছিল। ২০১৮ চনত তেওঁ শেষবাৰৰ বাবে কাৰাগাৰৰ পৰা মুকলি হোৱাৰ পিছত, কৰ্তৃপক্ষই তেওঁক উন্নতি কৰিব বুলি আশা কৰি কাৰাগাৰ বিভাগৰ দ্বাৰা পৰিচালিত পেট্ৰ'ল পাম্পত চাকৰি দিয়াৰ প্ৰস্তাৱ দিছিল।

তথাপিও তেওঁ সুৰা পান কৰি অপৰাধ কাণ্ড অব্যাহত ৰাখিছিল। তেওঁক ১১ টা গোচৰত নিৰ্দোষী সাব্যস্ত কৰা হৈছে। শেহতীয়াকৈ তেওঁক দুটা গোচৰত নিৰ্দোষী সাব্যস্ত কৰা হৈছে। আৰক্ষীয়ে তেওঁৰ নিৰ্দোষী সাব্যস্ত হোৱাৰ বিৰুদ্ধে আদালতত আপীল কৰিছে।