সপ্তাহত কেৱল ৪ দিন কৰিব লাগিব কাম; এখন বিশেষ দেশত ১ জুনৰ পৰা বলৱৎ হ'ব এই নীতি

গুৱাহাটী, ১ জুনঃ এটা সময় আছিল যেতিয়া মানুহে কেৱল এদিনহে ছুটিৰ দিন উপভোগ কৰিপলৈ সময় পাইছিল। কিন্তু এতিয়া বহুতো দেশ আছে যিয়ে তেওঁলোকৰ কৰ্মচাৰীসকলক সপ্তাহত ৩ দিনৰ ছুটি দিবলৈ গৈ আছে।

ব্ৰিটেইনেও এই সূত্ৰটোত আগবাঢ়িবলৈ গৈ আছে। ব্ৰিটেইনত ১ জুনৰ পৰা, ৬০ টা ডাঙৰ কোম্পানীয়ে এই নিয়মটো কাৰ্যকৰী কৰিবলৈ গৈ আছে। সেইকাৰণে এতিয়া ব্ৰিটেইনেও চাৰিদিনীয়া কৰ্ম সপ্তাহ ক্লাবত যোগদান কৰিবলৈ গৈ আছে।  

ব্ৰিটেইনৰ ৬০ টা ডাঙৰ কোম্পানীয়ে এই নতুন আৰ্হিটো ৰূপায়ণ কৰিবলৈ সাজু হৈছে, কিন্তু ই স্থায়ী নহয়। কিয়নো এই কোম্পানীবোৰে প্ৰায় ছয় মাহৰ বাবে এই নতুন নিয়মটো পৰীক্ষা কৰিবলৈ গৈ আছে। যাৰ বাবে কৰ্মচাৰীসকলে সপ্তাহত চাৰিদিন বা সৰ্বাধিক ৩২ ঘণ্টা কাম কৰিব। অৰ্থাৎ, কৰ্মচাৰীসকলে প্ৰতি সপ্তাহত তিনি দিনৰ ছুটি পাব।

এই ৬০ টা কোম্পানীৰ ৩০০০ কৰ্মচাৰীক এই পৰীক্ষণত অন্তৰ্ভুক্ত কৰা হৈছে। ইয়াৰ বিশেষ কথাটো হ'ল যে, এই নিয়ম বলবৎ হোৱা স্বত্বেও কৰ্মচাৰীসকলৰ দৰমহাৰ ক্ষেত্ৰত কোনো পৰিৱৰ্তন নহ'ব।

শ্ৰমিক অৰ্থনীতিবিদ জনাথন বয়ছে এই বিষয় সন্দৰ্ভত কৈছে যে, "এই নতুন আৰ্হিৰ আটাইতকৈ ডাঙৰ প্ৰত্যাহ্বানটো হ'ব কৰ্মচাৰীৰ উৎপাদনশীলতা কেনেদৰে জোখা হয়। এক প্ৰকাৰে, কৰ্মচাৰীসকলে মাত্ৰ চাৰি দিনৰ ভিতৰত পাঁচ দিনৰ সমান কাম কৰিব লাগিব। 

এই বছৰৰ জানুৱাৰীৰ পৰা, সংযুক্ত আৰৱ আমিৰাত (ইউ.এ.ই.) চৰকাৰী প্ৰতিষ্ঠানসমূহৰ বাবে সপ্তাহটোৰ কৰ্মদিন পাঁচৰ পৰা চাৰে চাৰি দিনলৈ হ্ৰাস কৰিছিল। যাৰ পিছত শুক্ৰবাৰে অৰ্ধ দিন কাম কৰা হয়। লগতে শনিবাৰে আৰু দেওবাৰে সম্পূৰ্ণ বন্ধ। শেহতীয়াকৈ বাতৰি প্ৰকাশ পাইছিল যে ইউ.এ.ই.ৰ ব্যক্তিগত খণ্ডত সোনকালেই একেই নিয়ম প্ৰযোজ্য হ'ব পাৰে।