সশস্ত্ৰ সীমা বল চমুকৈ এছএছবিৰ শীৰ্ষ পদত প্ৰথমগৰাকী অসম সন্তান ডঃ এছ এল থাউছেন

গুৱাহাটী,২ জুন:সশস্ত্ৰ সীমা বল চমুকৈ এছএছবিৰ শীৰ্ষ পদত প্ৰথমগৰাকী অসম সন্তান।দেশৰ নেপাল আৰু ভূটান সীমান্তৰ নিৰাপত্তাৰ দায়িত্বত থকা এই বাহিনীটােৰ সঞ্চালক প্ৰধান (ডিজি)ৰ পদত ভাৰতীয় প্ৰশাসনিক সেৱাৰ জ্যেষ্ঠ আইপিএছ বিষয়া ডঃ এছ এল থাউছেনক নিযুক্তি প্ৰদান কৰিছে কেন্দ্ৰীয় চৰকাৰে।

উল্লেখ্য যে তাহানিৰ উত্তৰ কাছাৰ পাৰ্বত্য জিলা আৰু বৰ্তমানৰ ডিমা হাছাও জিলাৰ পৰা ১৯৮৮ চনত থাউছেনে মধ্য প্ৰদেশৰ আই পি এছ কেডাৰ হিচাপে নিযুক্তি লাভ কৰিছিল।তেতিয়াৰ পৰাই বিভিন্ন পদত সুখ্যাতিৰে দায়িত্ব পালন কৰি আহিছে থাউছেনে। সম্প্ৰতি সীমান্ত সুৰক্ষা বাহিনীৰ (বি এছ এফ) ৰ বিশেষ সঞ্চালক প্রধান হিচাপে দিল্লীস্থিত মুখ্য কাৰ্যালয়ত কাৰ্যনিৰ্বাহ কৰি আছে থাউছেনে।

যােৱা ৩১ মে’ত ভাৰত চৰকাৰে বিভাগীয় নিৰ্দেশনাৰ জৰিয়তে এইগৰাকী অসম সন্তানক সশস্ত্র সীমা বল (এছ এছ বি)ৰ নতুন সঞ্চালক প্রধান হিচাপে পদোন্নতি প্ৰদান কৰিছে।ইয়াৰ পিছতে ১ জুনত তেওঁ আনুষ্ঠানিকভাৱে বাহিনীটােৰ শীৰ্ষ পদৰ দায়িত্বভাৰ চমজি লয়।থাউছেনক নিযুক্তি দিয়াৰ গৃহ মন্ত্ৰ্যালয়ৰ প্ৰস্তাৱত মন্ত্ৰীসভাৰ নিযুক্তি সমিতিয়ে অনুমোদন জনায়।উল্লেখযোগ্য যে যোৱা ৩১ ডিচেম্বৰত বৰ্তমানৰ ডি জি কুমাৰ ৰাজেশ চন্দ্ৰই অৱসৰ লোৱাৰ পাছত এছ এছ বিৰ মুৰব্বীগৰাকীৰ পদ খালী হৈ আছিল।পাহাৰীয়া পিছ পৰা জিলাৰ পৰা এছ এল থাউছেনে দেশৰ সুৰক্ষাৰ শীৰ্ষ স্থানত নিযুক্তি লাভ কৰাত ডিমা হাছাওৰ লগতে উৎফুল্লিত হৈ পৰিছে ৰাজ্যবাসী।