গুৱাহাটী,২৩ ফেব্ৰুৱাৰী:ইউক্ৰেইন আৰু ৰাছিয়াৰ মাজৰ পৰিস্থিতিৰ অৱনতি ঘটিছে। বাতৰি অনুসৰি, ৰাছিয়াই ইউক্ৰেইনৰ সীমান্তত প্ৰৱেশ কৰিবলৈ আৰু ডণ্টস্ক আৰু লুহানস্কৰ দুখন চহৰ সম্পুৰ্ণৰূপে দখল কৰিবলৈ ৰাছিয়াৰ সৈন্য প্ৰেৰণ কৰিছে। ইউক্ৰেইনৰ দ্বিতীয় বৃহত্তম চহৰত ১০০ খনতকৈও অধিক সামৰিক ট্ৰাক প্ৰৱেশ কৰিছে। আনহাতে, পুটিনে ইউক্ৰেইনৰ সীমান্তত নিয়োজিত সৈন্যসকললৈ চিকিৎসা সাহায্য প্ৰেৰণ কৰাও আৰম্ভ কৰিছে। একে সময়তে, আমেৰিকাই বাল্টিক দেশসমূহলৈ নিজৰ সৈন্য আৰু অস্ত্ৰ-শস্ত্ৰ প্ৰেৰণ কৰা আৰম্ভ কৰিছে। হোৱাইট হাউছে কয় যে,"যদি পুটিনে যুদ্ধ কৰিব নিবিচাৰে, তেন্তে তেওঁ সৈনিকসকলৰ বাবে অতিৰিক্ত তেজ আৰু চিকিৎসা সাহায্যৰ আদেশ কিয় দিছে। "

ৰাছিয়া-ইউক্ৰেইন সংঘৰ্ষৰ মাজতে অষ্ট্ৰেলিয়াই দাবী কৰিছে যে অহা ২৪ ঘণ্টাৰ ভিতৰত ইউক্ৰেইনৰ ওপৰত এটা ডাঙৰ আক্ৰমণ কৰা হ'ব। অষ্ট্ৰেলিয়াৰ প্ৰধানমন্ত্ৰী স্কট মৰিছনে বুধবাৰে সতৰ্ক কৰি দিছিল যে ৰাছিয়াই ইউক্ৰেইন সম্পূৰ্ণৰূপে আক্ৰমণ কৰিব পাৰে। ইয়াৰ পিছত, অষ্ট্ৰেলিয়া আৰু নিউজিলেণ্ডে ৰাছিয়াৰ ৰাষ্ট্ৰদূতসকলক তেওঁলোকৰ এই প্ৰসঙ্গত বিৰোধিতা কৰিবলৈ আদেশ প্ৰদান কৰিছে।