পাঠানৰ পিছত ছলমান খানৰ ছবি টাইগাৰ ৩ ৰ মুক্তিৰ তাৰিখ শেহতীয়াকৈ পাইছে প্ৰকাশ

গুৱাহাটী,৪ মাৰ্চ:ছলমান খানৰ ছবি টাইগাৰ ৩ ৰ মুক্তিৰ তাৰিখ শেহতীয়াকৈ প্ৰকাশ পাইছে। এই ছবিখনৰ মুক্তিৰ তাৰিখ এটা প্ৰভাৱশালী টিজাৰৰ সৈতে ঘোষণা কৰা হৈছে। য’ত ছলমানক টিজাৰটোত শুই থকা দেখা গৈছে, আনহাতে কেটৰিনা কাইফক ভয়ংকৰ একচনত দেখা গৈছে। টিজাৰটোৰ মুক্তিৰ সমান্তৰালকৈ অনুৰাগীসকলে ভিডিঅ’টোৰ প্ৰতি তীব্ৰ প্ৰতিক্ৰিয়া প্ৰকাশ কৰিছে।

ছলমান খানে টুইট কৰি কয় যে, “সকলোৱে নিজৰ যত্ন লওঁ আহক… “টাইগাৰ ৩” ঈদ ২০২৩ ত আহিব… হিন্দী তামিল আৰু তেলেগুত মুক্তি পাব। ছবিখন একেলগে তিনিটা ভাষাত মুক্তি দিয়া হ’ব। আমি অহা বছৰ ঈদত এই ছবিখন চাবলৈ পাম।”

“টাইগাৰ ৩” ৰ টিজাৰ কেটৰিনা কাইফে শ্বেয়াৰ কৰি লিখে যে, “টাইগাৰ আৰু জয়া ২০২৩ চনৰ ঈদ উপলক্ষে ছবিগৃহলৈ উভতি আহিব।” অনুৰাগীসকলে কেটৰিনাৰ পোষ্টত তীব্ৰ মন্তব্য কৰিছে। একে সময়তে, তেওঁলোকে কেটৰিনাৰ চৰিত্ৰটোৰ প্ৰশংসা কৰিবলৈ ধৰিছে।”

কৰ'না মহামাৰীৰ কাৰণে ছলমান আৰু কেটৰিনাৰ “টাইগাৰ ৩” দৃশ্যগ্ৰহণ ব্যাহত হৈ আছিল। কিন্তু এতিয়া চিনেমাখনৰ দৃশ্যগ্ৰহণ প্ৰায় সম্পূৰ্ণ হৈছে। যোৱা মাহত, ছলমান, কেটৰিনা আৰু ইমৰান হাছমী দৃশ্যগ্ৰহণৰ বাবে দিল্লীলৈ আহিছিল। তাৰ পিছত, তেওঁলোকৰ ছবিৰ মুক্তিৰ খবৰ প্ৰকাশ পাইছে।