জেলেনস্কিৰ পিছত ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে ফোনযোগে কথা পাতে প্ৰধানমন্ত্ৰী নৰেন্দ্ৰ মোদীয়ে

গুৱাহাটী,৮ মাৰ্চ:ভাৰতৰ প্ৰধানমন্ত্ৰী নৰেন্দ্ৰ মোদীয়ে ইউক্ৰেইনৰ সৈতে চলি থকা যুদ্ধৰ মাজতে ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে ফোনযোগে কথা পাতে। তেওঁ পুটিনক ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিৰ সৈতে আনুষ্ঠানিক আলোচনা কৰিবলৈ আহ্বান জনাইছিল।ইউক্ৰেইন সংকটৰ মাজত মোডীয়ে তৃতীয়বাৰৰ বাবে পুটিনৰ সৈতে কথা পাতিছে। প্ৰধানমন্ত্ৰীয়ে ৰাছিয়াৰ ৰাষ্ট্ৰপতিৰ সৈতে প্ৰায় ৫০ মিনিট ধৰি কথা পাতিছিল। 

তেওঁলোকে মূলতঃ ইউক্ৰেইনৰ পৰিস্থিতিৰ বিষয়ে আলোচনা কৰিছিল। পুটিনে ভাৰতীয় প্ৰধানমন্ত্ৰীক ইউক্ৰেইন আৰু ৰাছিয়াৰ প্ৰতিনিধিদলৰ সৈতে হোৱা আলোচনাৰ বিষয়ে অৱগত কৰে। যদিও ইউক্ৰেইনত আৱদ্ধ হৈ থকা বহুতো ভাৰতীয়ক সুৰক্ষিতভাৱে উদ্ধাৰ কৰা হৈছে তৎস্বত্তেও বহুতেন এতিয়াও ইউক্রেইনত আৱদ্ধ হৈ আছে। পুটিনে ইউক্ৰেইনৰ চুমিতত আৱদ্ধ ভাৰতীয়সকলক সুৰক্ষিতভাৱে উদ্ধাৰ কৰাৰ ক্ষেত্ৰত সহযোগিতাৰ আশ্বাস দিয়ে। ৰাছিয়া আৰু ইউক্ৰেইনৰ মাজত হোৱা তীব্ৰ যুদ্ধৰ মাজত প্ৰায় ৭০০ ভাৰতীয় শিক্ষাৰ্থী এতিয়াও ইউক্ৰেইনৰ চুমিত আবদ্ধ হৈ আছে।