উত্তৰ-পূৱৰ প্ৰথমখন ৰাষ্ট্ৰীয় ফৰেনচিক বিজ্ঞান বিশ্ববিদ্যালয়ৰ আধাৰশিলা স্থাপন অমিত শ্বাহৰ

গুৱাহাটী,৯ মাৰ্চ:মঙলবাৰে ত্ৰিপুৰা ভ্ৰমণৰ অৰ্থে ৰাজ্যখনত উপস্থিত হোৱা কেন্দ্ৰীয় গৃহমন্ত্ৰী অমিত শ্বাহে উত্তৰ-পূৱৰ প্ৰথমখন ৰাষ্ট্ৰীয় ফৰেনচিক বিজ্ঞান বিশ্ববিদ্যালয়ৰ আধাৰশিলা স্থাপন কৰে ৷

কেন্দ্ৰীয় মন্ত্ৰীগৰাকীৰ সৈতে এই কাৰ্যসূচীত উপস্থিত আছিল ৰাজ্যখনৰ মুখ্যমন্ত্ৰী বিপ্লৱ কুমাৰ দেৱ, উপ মুখ্যমন্ত্ৰী জিষ্ণু দেৱবাৰ্মা, কেন্দ্ৰীয় ৰাজ্যিক, সামাজিক ন্যায় আৰু সশক্তিকৰণ মন্ত্ৰী প্ৰতিমা ভৌমিক আৰু বিজেপিৰ অন্যান্য শীৰ্ষ নেতাসকল ৷আধাৰশিলা স্থাপনৰ পিছতে অনুষ্ঠানটো সম্বোধন কৰি কেন্দ্ৰীয় মন্ত্ৰী শ্বাহে কয় যে, ত্ৰিপুৰাত ৰাষ্ট্ৰীয় ফৰেনচিক বিজ্ঞান বিশ্ববিদ্যালয় স্থাপনৰ ফলত সমগ্ৰ উত্তৰ-পূৱ অঞ্চল উপকৃত হ'ব ৷ বিশ্ববিদ্যালয়খনত উপলব্ধ পাঠ্যক্ৰমৰ ভিতৰত আছে ঔষধ, ক্ৰিমিন’ল’জি, DNA আৰু আঙুলিৰ ছাপ বিশ্লেষণ ইত্যাদি বিষয় ৷