শিশুক প্লাষ্টিকৰ বটলত গাখীৰ খাবলৈ দিয়া কিমান উচিত! জানক সবিশেষ

গুৱাহাটী, ১১ মাৰ্চঃ যদি কোনোবাই নিজৰ কেঁচুৱাটোক প্লাষ্টিকৰ বটলত গাখীৰ খাবলৈ দিয়ে, তেনেহ'লে এই তথ্যখিনি জনাটো গুৰুত্বপূৰ্ণ। দৰাচলতে, দেশৰ বিভিন্ন ৰাজ্যত বিক্ৰী হোৱা শিশুৰ গাখীৰৰ বটল আৰু চিপাৰত এক বিপদজনক ৰাসায়নিক পদাৰ্থ থাকে। এইটো এটা গৱেষণাত প্ৰকাশ পাইছে। শিশুৰ স্বাস্থ্যৰ বাবে প্ৰতিটো সৰু সৰু বস্তুৰ যত্ন লৈ থাকিলেও, কিন্তু নিজৰ কেঁচুৱাটোক স্বাস্থ্যৱান কৰি ৰাখিবলৈ মাক-বাপেকে সদায়ে সতৰ্ক হৈ থাকিব লাগে।

বহুতো গৱেষণাৰ পৰা এইটো স্পষ্ট হৈ পৰিছে যে, শিশুৰ গাখীৰ খোৱা বটলত ৰাসায়নিক পদাৰ্থৰ পৰিমাণ পোৱা গৈছে, যি মাৰাত্মকহ’ব পাৰে৷ শিশুৰ গাখীৰৰ বটলত এক বিশেষ প্ৰকাৰৰ ৰাসায়নিক 'বিচফেনল-এ' পোৱা গৈছে, যি অতি ক্ষতিকাৰক আৰু ইয়াৰ প্ৰভাৱৰ বাবে, পিছত শিশুৰ ক্ষেত্ৰত বিভিন্ন প্ৰকাৰৰ ৰোগ সৃষ্টি কৰে।

দেশৰ বিভিন্ন প্ৰান্তৰ পৰা সংগ্ৰহ কৰা নমুনাৰ আধাৰত দিল্লীস্থিত সংগঠন টক্সিক লিংকে এই গৱেষণাৰ প্ৰতিবেদনত দাবী কৰিছে যে দেশৰ বজাৰত বিক্ৰী হোৱা গাখীৰৰ বটল আৰু চিপাৰ শিশুসকলৰ বাবে সুৰক্ষিত নহয়। বিগত ৪ বছৰত দ্বিতীয়বাৰৰ বাবে মুকলি কৰা এই অধ্যয়নত, এইটো স্পষ্ট কৰা হৈছে যে বি.আই.এছ. (ভাৰতীয় মানদণ্ড ব্যুৰো)ৰ নিয়ম  মুকলিকৈ উলংঘন কৰা হৈছে।

আনকি সস্তীয়া আৰু নিম্নমানৰ কোম্পানীৰ বটলবোৰত ৰাসায়নিক পদাৰ্থৰ প্ৰলেপ দি কোমল কৰি ৰাখে, যাতে বটলটো দীঘলীয়া সময়ৰ বাবে নষ্ট নহয়, আৰু গৰম গাখীৰ বা পানী বটলত ঢালি শিশুটোক খুৱাই দিয়া হয়। এই ৰাসায়নিক পদাৰ্থবোৰ গাখীৰত দ্ৰৱীভূত হয় আৰু শিশুৰ শৰীৰলৈ যায় আৰু শৰীৰলৈ যোৱাৰ পিছত, এই ৰাসায়নিক পদাৰ্থবোৰে পাকস্থলী আৰু অন্ত্ৰৰ মাজৰ পথ বন্ধ কৰি দিয়ে। যাৰ ফলত কেতিয়াবা শিশুৰ জীৱন বিপদত পৰিব পাৰে। কেৱল এয়াই নহয়, দীৰ্ঘদিন ধৰি গাখীৰৰ লগত শৰীৰলৈ যোৱা ৰাসায়নিক পদাৰ্থবৰে হৃদযন্ত্ৰ, বৃক্ক, যকৃত আৰু হাঁওফাঁওৰ ৰোগৰ সৃষ্টি কৰিব পাৰে।

বটলৰ পৰা একেৰাহে গাখীৰ খোৱাৰ ফলত শিশুটোৰ ডিঙি ফুলি যায়। লগতে, বমি আৰু ডায়েৰিয়াও হ'ব পাৰে। গতিকে শিশুক গাখীৰ খুৱাবলৈ সদায়ে মেডিকেটেড বটল ব্যৱহাৰ কৰিব। যি, চিকিৎসাৰ দোকানত উন্নত মানদণ্ডৰ বটল উপলব্ধ। পলিকাৰ্বনেটেৰে তৈয়াৰ কৰা কেঁচুৱাৰ বটলবোৰ ২০১৫ চনত বিআইএছ (ভাৰতীয় মানদণ্ড ব্যুৰো)ৰ দ্বাৰা নিষিদ্ধ কৰা হয়, কিন্তু ইয়াৰ পিছতো, ই এতিয়াও ভাৰতীয় বজাৰত উপলব্ধ আৰু শিশুৰ ৰোগৰ এক মুখ্য কাৰণ হৈ পৰিছে। বহুতো কোম্পানীয়ে এই সন্দৰ্ভত কোনো আইনৰ নথকা বাবে সুযোগ লৈছে আৰু নিৰীহ শিশুবোৰ ইয়াৰ চিকাৰ হৈ পৰিছে।