আকৌ ক’ভিডৰ কৱলত চীন:চীনৰ জিলিন প্ৰদেশৰ ৰাজধানী চাংচুনত লকডাউন ঘোষণা

গুৱাহাটী, ১২ মাৰ্চঃচীনত পুনৰ লকডাউন ঘোষণা।পৃথিৱীৰ আন দেশবোৰত ক’ভিড নিয়ন্ত্ৰণত আছে,যদিও চীন দেশ আকৌ এবাৰ ক’ভিডৰ কৱলত পৰা ঘটনাই আন্তঃজাৰ্তিক মহলত এতিয়া চিন্তিত কৰি তুলিছে।চীনৰ উত্তৰ-পূবৰ চহৰ জিলিন প্ৰদেশৰ ৰাজধানী চাংচুনত শুকুৰবাৰে প্ৰশাসনে লকডাউন ঘোষণা কৰিছে।

কৰ’নাৰ বৰ্ধিত সংক্ৰমণৰ প্ৰতি লক্ষ্য ৰাখি বৃহৎ জনবসতিপূৰ্ণ অঞ্চলটোৰ বাসিন্দাসকলক গৃহবন্দী কৰি ৰখা হৈছে।চীনত শেহতীয়াকৈ ৩৯৭ গৰাকী লোক কৰ’নাৰ দ্বাৰা সংক্ৰমিত হৈছে।তেওঁলোকৰ ভিতৰত ৯৮জন চীনৰ চাংচুন চহৰৰ ওচৰৰ জিলিন প্ৰদেশৰ বাসিন্দা।

চিকিৎসাজনিত জৰুৰীকালীন অৱস্থা বা অত্যধিক প্ৰয়োজন নোহোৱালৈকে এই চহৰখনৰ বাসিন্দাসকলক বাহিৰলৈ যাবলৈ নিষিদ্ধ কৰা হৈছে।চীনৰ সংশ্লিষ্ট চহৰসমূহত বাহনৰ চলাচলৰ ওপৰত নিষেধাজ্ঞা আৰোপ কৰা হৈছে।অত্যাৱশ্যকীয় সামগ্ৰীৰ বাহিৰে সকলো দোকান বন্ধ কৰিবলৈয়ো নিৰ্দেশনা দিয়া হৈছে।লগতে চহৰখনৰ বাসিন্দাসকলক দৈনিক তিনিবাৰকৈ ক’ভিডৰ পৰীক্ষা কৰা হ’ব।