বিকিৰ দেহত স্পষ্ট হৈ আছে বুকুত এটা, পিঠিত তিনিটা মুঠ ৪টা গুলীৰ আঘাতৰ চিন

গুৱাহাটী,১৬ মাৰ্চ: মশখ্য অভিযুক্ত বিকি আলীক অসম আৰক্ষীৰ জোৱানে গুলীয়াই হত্যা কৰাৰ পিছত গাড়ীগাওঁ দলবদ্ধ ধৰ্ষণৰ ঘটনাটোৱে এক চাঞ্চল্যকৰ ৰূপ লয়। ইনপুট অনুসৰি,বিকি আলীয়ে আৰক্ষীৰ জিম্মাৰ পৰা পলাবলৈ চেষ্টা কৰিছিল আৰু তেতিয়াই আৰক্ষী কৰ্মীয়ে তেওঁক গুলীয়াইছিল। বিগত ৬ ফেব্ৰুৱাৰীত বিকি আলীয়ে নাবালক ছোৱালীজনীক ধৰ্ষণ কৰিবলৈ আৰু ঘটনাটোৰ চিত্ৰগ্ৰহণ কৰিবলৈ তেওঁৰ ঘৰলৈ মাতি আনি প্ৰলোভন দিছিল।

ইয়াৰ পিছত তেওঁ আনকি ভুক্তভোগীজনক ব্লেকমেইল কৰিছিল। বিকিৰ দেহত স্পষ্ট আছে ৪ টা গুলীৰ আঘাতৰ চিন ।জিএমচিএইচৰ অধীক্ষক ডাঃ অভিজিৎ শৰ্মাই সংবাদ মাধ্যমৰ আগত সদৰী কৰে যে, মঙলবাৰে নিশা ১ বজাত জিএমচিএইচলৈ লৈ অনা হৈছিল বিকিক । বিকিৰ বুকুত এটা আৰু পিঠিত ৩ টা গুলীৰ আঘাতৰ চিন স্পষ্ট । বৰ্তমানেও জিএমচিএইচৰ মৰ্গতে ৰখা হৈছে বিকিৰ মৃতদেহ ৷

তেওঁ লগতে কয় যে, এই ঘটনাত আহত হৈছে মহিলা থানাৰ ভাৰপ্ৰাপ্ত আৰক্ষী বিষয়া টুইংকল গোস্বামী ৷ আহত আৰক্ষী বিষয়াগৰাকীৰ বাঁওভৰিৰ তলেৰে গুলী ওলাই গৈছিল ৷ ফলত তেওঁ বাঁওভৰিত আঘাতপ্ৰাপ্ত হয় ৷ কেৱল বাঁওভৰিতে নহয়, বাঁওহাততো আঘাত পায় আৰক্ষী বিষয়াগৰাকীয়ে ।

তেওঁ বৰ্তমান জিএমচিএইচ-ত চিকিৎসাধীন হৈ আছে আৰক্ষী বিষয়া টুইংকল গোস্বামী । বৰ্তমান তেওঁৰ স্বাস্থ্য কিছু সুস্থিৰ হৈছে ৷ আৰক্ষী বিষয়াগৰাকীৰ শাৰিৰীক অৱস্থা কিছু উন্নত হ’লে দুই-এদিনৰ ভিতৰতে জিএমচি এইচৰ পৰা অব্যাহতি দিব বুলি প্ৰকাশ কৰে জিএমচিএইচৰ অধীক্ষক ডাঃ শৰ্মাই ৷

উল্লেখ্য যে, পাঁচ বন্ধুৰ সৈতে মিলি এগৰাকী দশম শ্ৰেণীত অধ্যয়নৰত কিশোৰীক ধৰ্ষণ কৰিছিল বিকিয়ে৷ ১৬ ফেব্ৰুৱাৰীত প্ৰলোভনেৰে কিশোৰীগৰাকীক এজন বন্ধুৰ কোঠালৈ লৈ গৈ তাতেই কিশোৰীগৰাকীক ধৰ্ষণ কৰি সমগ্ৰ দৃশ্য বন্দী কৰিছিল ম’বাইলত ৷