অভব্য আচৰণেৰে সু-খাদ্য পৰিবেশন কৰা অদ্ভুত ৰেষ্টুৰেণ্টখন

গুৱাহাটী, ২৪ মাৰ্চঃ অষ্ট্ৰেলিয়াৰ চিডনীত এখন ৰেষ্টুৰেণ্টলৈ যোৱাৰ পিছত, সুস্বাদু খাদ্য খোৱাৰ পিছত মানুহৰ মন সলনি হৈ পৰে। এই ৰেষ্টুৰেণ্টৰ কৰ্মচাৰীসকলে ভ্ৰমণকাৰী গ্ৰাহকসকলৰ প্ৰতি অভব্য আচৰণ কৰে। যেতিয়া গ্ৰাহকে খাদ্যৰ অৰ্ডাৰ দিয়ে, ৰেষ্টুৰেণ্টখনত কাম কৰা কৰ্মচাৰীয়ে গ্ৰাহকক অপমান কৰে। এয়া শুনিবলৈ আচৰিত যেন লাগিলেও ই সত্য।

ইয়াত গ্ৰাহকক অপমান কৰাৰ পিছতো ৰেষ্টুৰেণ্টখনে সুখ্যাতি অৰ্জন কৰিছে। মানুহে ভাল খাদ্য উপভোগ কৰিবলৈ কাৰেনছ ডিনাৰ নামৰ এই ৰেষ্টুৰেণ্টলৈ যায় আৰু তাৰ বিনিময়ত তাত উপস্থিত থকা কৰ্মচাৰীয়ে খাদ্য খাবলৈ যোৱা লোকসকলৰ সৈতে বেয়া ব্যৱহাৰ কৰে।

গ্ৰাহকসকলেও ইয়াৰ প্ৰত্যুত্তৰত অশ্লীল গালিগালাজ পাৰিব লগীয়া হয়। আটাইতকৈ আশ্চৰ্যজনক কথাটো হ'ল যে এই সকলোবোৰৰ স্বত্বেও, গ্ৰাহকসকলে ৱেইটাৰক টিপ দি গুচি যায়। এই ৰেষ্টুৰেণ্টখনৰ মূলমন্ত্ৰ হৈছে গ্ৰেট ফুড, টেৰিবল চাৰ্ভিচ (ভাল খাদ্য, অভব্য আচৰণ)। অৰ্থাৎ সুস্বাদু খাদ্যৰ লগতে ইয়াত এক অদ্ভুত সেৱা প্ৰদান কৰা হয়। যেতিয়া ৱেইটাৰে বেয়া আচৰণ কৰে, গ্ৰাহকেও বেয়াকৈ কয় আৰু হাঁহি-ধেমালি কৰে।

বৰ্তমান অষ্ট্ৰেলিয়াৰ উপৰিও কাৰেনছ ডিনাৰ নামৰ এই ৰেষ্টুৰেণ্টখন্ৰ শৃংখল ব্ৰিটেইনতও আছে। এই বিশেষত্বৰ বাবে, মানুহে ইয়ালৈ আহে আৰু সুস্বাদু খাদ্য খায়। এই ৰেষ্টুৰেণ্টখনৰ নাম আমেৰিকান ভাষাৰ নামেৰে নামাকৰণ কৰা হৈছে, যাৰ অৰ্থ হৈছে 'গ্ৰাহক কেতিয়াও সন্তুষ্ট নহ'ব'। ইয়াক প্ৰথমে অষ্ট্ৰেলিয়াৰ ছিডনীত মুকলি কৰা হয়, তাৰ পিছত ইয়াক ব্ৰিছবেনত মুকলি কৰা হয়। 

আনহাতে, এই অদ্ভুত ৰেষ্টুৰেণ্টখনলৈ যোৱা এজন গ্ৰাহকে তেওঁৰ অভিজ্ঞতাৰ বিষয়ে কৈছে যে, "যেতিয়া মই মোৰ জীয়েৰীৰ সৈতে এই ৰেষ্টুৰেণ্টলৈ যাওঁ, তেতিয়া তাত থকা ৱেইটাৰজনে মোৰ জীয়ৰীৰ চুলিক লৈ উপহাস কৰে। তাৰ পিছত আমি দুয়ো তাৰ পৰা গুচি আহিবলৈ লওঁ। তেনেতে, ৰেষ্টুৰেণ্টখনৰ গৰাকীয়ে আহি আমাক কয় যে, এয়া এইখন ৰেষ্টুৰেণ্টৰ এক প্ৰথা, যাতে ইয়ালৈ অহা মানুহে এনে এক পৰিৱেশ পাব পাৰে, য'ত তেওঁলোকে যিকোনো কথা মুক্ত মনেৰে ক'ব পাৰে।"