গুৱাহাটী,২৩ মাৰ্চ:১৮ মাৰ্চত নিৰুদ্দেশ হোৱা মহম্মদ ইৰফান নামৰ এজন ৩৪ বছৰীয়া ব্যক্তিক তেওঁৰ ব্যৱসায়িক অংশীদাৰ আৰু বন্ধুবৰ্গই হত্যা কৰাৰ অভিযোগ উত্থাপিত হৈছে।তাৰোপৰি মৃতদেহটো ৩০ টুকুৰাকৈ কটা হৈছিল আৰু বুলন্দচহৰ-হাপুৰ টোল প্লাজাৰ ওচৰৰ এক অনুৰ্বৰ ভূমিত সমাধিস্থ কৰা হৈছিল।

হাপুৰ আৰক্ষীয়ে শৰীৰৰ অংশবোৰ খান্দি উলিয়াইছিল আৰু তেওঁৰ শৈশৱৰ বন্ধু তথা ব্যৱসায়িক অংশীদাৰ মহম্মদ ৰাগিব আৰু এজন বন্ধু মহম্মদ আকিবক গ্ৰেপ্তাৰ কৰিছিল।অভিযুক্ত কেইজনৰ বিৰুদ্ধে এখন এজাহাৰ পঞ্জীয়ন কৰা হৈছে।সন্দেহ কৰা হৈছে যে ইৰফানক তেওঁৰ বন্ধুবৰ্গই কিছু আৰ্থিক বিবাদৰ বাবে হত্যা কৰিছিল। 

তেওঁৰ বন্ধু ৰাঘিবে টোল প্লাজাৰ ওচৰত এখন ৰেষ্টুৰেণ্ট চলায় আৰু তেওঁ ইৰফানৰ ব্যৱসায়ত টকা বিনিয়োগ কৰিছিল।দুয়োজনে তেওঁলোকৰ অনুপস্থিতিত দোকানখন পৰিচালনা কৰিবলৈ মহম্মদ আকিবক নিয়োগ কৰিছিল।পিছত,দুয়োজন অংশীদাৰৰ মাজত কিছু বিবাদৰ সৃষ্টি হয়।ৰাগিবে ইৰফানক দোকানখন হস্তান্তৰ কৰিবলৈ বা তেওঁ বিনিয়োগ কৰা টকা ঘূৰাই দিবলৈ কৈছিল। যেতিয়া ইৰফানে অস্বীকাৰ কৰিলে, ৰাগিবে তেওঁক হত্যা কৰাৰ সিদ্ধান্ত গ্ৰহণ কৰিছিল।

হাপুৰৰ জ্যেষ্ঠ আৰক্ষী অধীক্ষক (এছএছপি) দীপক ভূকাৰে কয়, "ইৰফানৰ পৰিয়ালে আমাক কৈছিল যে তেওঁক শেষবাৰৰ বাবে ৰাগিব আৰু আকিবৰ সৈতে দেখা গৈছিল। যেতিয়া তেওঁলোকক সোধা-পোছাৰ বাবে মাতি অনা হৈছিল, তেওঁলোকে প্ৰথমতে আৰক্ষীক ফাঁকি দিবলৈ চেষ্টা কৰিছিল, কিন্তু তেওঁলোকক সোনকালেই গ্ৰেপ্তাৰ কৰা হৈছিল।"

তেওঁ কৈছিল যে তেওঁলোকৰ বক্তব্যত বিসংগতি আছিল। তেওঁলোকৰ ফোন কলৰ বিৱৰণে দেখুৱাইছিল যে তেওঁ নিৰুদ্দেশ হোৱা ৰাতি ইৰফানৰ সৈতে নিৰন্তৰ যোগাযোগত আছিল। নিৰন্তৰ জেৰাৰ সময়ত,তেওঁলোক ভাগি পৰিছিল আৰু ইৰফানক হত্যা কৰাৰ কথা স্বীকাৰ কৰিছিল।