এখন উন্নত দেশ, য'ত মানুহে পিন্ধিবলৈ বিচাৰি ফুৰিছে চেণ্ডেল

গুৱাহাটী, ২৮ মাৰ্চঃ ব্ৰিটেইনৰ পৰা এটা অতি আচৰিত খবৰ পোৱা গৈছে। ব্ৰিটেইনত ৰাষ্ট্ৰীয় পৰ্যায়ত চেণ্ডেলৰ অভাৱ হৈছে। যাৰ বাবে, ব্ৰিটেইনৰ হোটেল আৰু স্পাবোৰে গ্ৰাহকক ঘৰৰ পৰা চেণ্ডেল লৈ আহিবলৈ অনুৰোধ কৰিছে। কেৱল হোটেল আৰু স্পাই নহয় সাধাৰণ মানুহেও চেণ্ডেলৰ অভাৱৰ সন্মুখীন হৈছে।

বিশেষ প্ৰতিবেদন অনুসৰি, ব্ৰিটেইনত ৰাষ্ট্ৰীয় পৰ্যায়ত চেণ্ডেলৰ অভাৱ হোৱাত হোটেল আৰু স্পাবোৰে গ্ৰাহকসকলক এনে অদ্ভুত অনুৰোধ কৰিবলৈ বাধ্য হৈ পৰিছে। হোটেল আৰু স্পাবোৰে তেওঁলোকৰ গ্ৰাহকসকলক কৈছে যে, "ৰাষ্ট্ৰীয় পৰ্যায়ত চেণ্ডেলৰ অভাৱ হোৱাৰ বাবে, হোটেল আৰু স্পালৈ অহা লোকসকলক বিনামূলীয়াকৈ চেণ্ডেল যোগান ধৰা নহ'ব। এই কাৰণে, গ্ৰাহকসকলে তেওঁলোকৰ লগত চেণ্ডেল লৈ আনিব লাগিব, অন্যথা তেওঁলোকে অসুবিধাৰ সন্মুখীন হ'ব লাগিব।"

দৰাচলতে, গ্ৰাহকসকলে ট্ৰিপ এডভাইজাৰত লিখিছে যে হোটেল আৰু স্পাবোৰে তেওঁলোকক ঘৰৰ পৰা চেণ্ডেল লৈ আনিবলৈ কৈছে। ইয়াৰ বাবে তেওঁলোকে বহুতো অসুবিধাৰ সন্মুখীন হৈছে। একে সময়তে, আগৰ দৰে সেৱা নোপোৱাৰ বাবেও মানুহবোৰৰ মন বেয়া হৈ পৰিছে। এজন গ্ৰাহকে কৈছে যে, "মই এচেক্সৰ গ্ৰীণউডছ হোটেল আৰু স্পাত বুকিং কৰিছোঁ। সেই হোটেলখনে মোক এটা অদ্ভুত মেইল পঠিয়াইছে। য'ত লিখা আছে যে, "সমগ্র দেশতে চেণ্ডেলৰ অভাৱৰ বাবে, আপুনি লগত চেণ্ডেল অনাটো প্ৰয়োজনীয়, কিয়নো আমি হোটেলত চেণ্ডেলৰ যোগান ধৰিব নোৱাৰিম।"

প্ৰকৃততে ব্ৰিটেইনত কৰোনা মহামাৰীৰ বাবে, ট্ৰাক চালকৰ সংখ্যা যথেষ্ট হ্ৰাস পাইছে। পূৰ্বতে হোটেলবোৰে এনে ধৰণৰ বস্তু বৃহৎ পৰিমাণে ক্ৰয় কৰিছে। কিন্তু ক'ৰনাৰ সময়ত চেণ্ডেলৰ যোগান ধৰিব পৰা হোৱা নাছিল, যাৰ বাবে হোটেল আৰু স্পাত চেণ্ডেলৰ অভাৱ হৈছে। একে সময়তে, যেতিয়া লকডাউন সমাপ্ত হৈছে মানুহে পুনৰ ঘৰৰ পৰা বাহিৰ ওলাবলৈ আৰম্ভ কৰিছে। এনে পৰিস্থিতিত, ব্ৰিটেইনত চেণ্ডেল, চেম্পু, টাৱেল আদিৰ যথেষ্ট অভাৱ হৈছে।