সুস্বাদু খাদ্য ৰান্ধিব জনা মানুহৰ বাবে সুখবৰ; ভাৰত চৰকাৰে অনুষ্ঠিত কৰিব বিশেষ প্ৰতিযোগিতা

গুৱাহাটী, ৬ এপ্ৰিলঃ সুস্বাদু ভাৰতীয় খাদ্য ৰান্ধিব জনা মানুহৰ বাবে সুখবৰ। কিয়নো, চৰকাৰে এজন মাষ্টাৰ চেফ হ'বলৈ ১ লাখ টকালৈকে জিকাৰ এক বৃহৎ সুযোগ প্ৰদান কৰিব। 

আয়ুষ মন্ত্ৰালয়ে ভাৰতীয় খাদ্যৰ গুণাগুণ আৰু ইয়াত লুকাই থকা স্বাস্থ্যৰ ৰহস্যসমূহ বিশ্ববাসীৰ সন্মুখত উলিয়াই অনাৰ বাবে এক অনন্য মাষ্টাৰ চেফ প্ৰতিযোগিতাৰ আয়োজন কৰিছে। এই প্ৰতিযোগিতাৰ বিষয়বস্তু হৈছে - 'পোষনৰ বাবে আহাৰ।' সহজ ভাষাত ক'বলৈ গ'লে, পুষ্টিকৰ খাদ্যৰ সম্ভাৰ।

যদি কোনোবাই ভাবে যে ভাৰতীয় শৈলীৰ সৈতে শৰীৰক পুষ্টি প্ৰদান কৰা সৰ্বশ্ৰেষ্ঠ সুস্বাদু খাদ্যও প্ৰস্তুত কৰিব পাৰে, তেনেহ'লে তেওঁ ১০ এপ্ৰিললৈকে এই প্ৰতিযোগিতাত (আয়ুষ মন্ত্ৰালয়ৰ মাষ্টাৰ চেফ প্ৰতিযোগিতা) আবেদন কৰিব পাৰে।

এই প্ৰতিযোগিতাত ৬ টা বিভিন্ন শ্ৰেণী থাকিব। এই শ্ৰেণীবোৰ হৈছে :-

• শস্য আধাৰিত খাদ্য

• মাকৈৰ আধাৰিত খাদ্য

• বাদাম বা মাহজাতীয় শস্যৰ পৰা তৈয়াৰ কৰা খাদ্য

• ফল আৰু পাচলিৰে প্ৰস্তুত কৰা ৰেচিপি

• দুগ্ধজাত সামগ্ৰী আধাৰিত খাদ্য

• ফিউজন - অৰ্থাৎ দুটা ৰেচিপিৰ সংমিশ্ৰণ

এই প্ৰতিযোগিতাত, ৮ বছৰৰ অধিক বয়সৰ যিকোনো ব্যক্তিয়ে অংশগ্ৰহণ কৰিব পাৰিব (আয়ুষ মন্ত্ৰালয়ৰ মাষ্টাৰ চেফ প্ৰতিযোগিতা)। ইয়াৰ বাবে আপুনি এখন গুগলৰ প্ৰ-পত্ৰ পূৰণ কৰিব লাগিব। এই প্ৰতিযোগিতা আৰু প্ৰ-পত্ৰৰ সম্পূৰ্ণ তথ্য আয়ুষ মন্ত্ৰালয়ৰ ৱেবছাইটত উপলব্ধ। আবেদনখনৰ লগতে ৬ ৰ পৰা ৭ মিনিটৰ ৰন্ধন ভিডিঅ' আপলোড কৰিব লাগিব। 

এই ভিডিঅ'টো ইংৰাজী বা হিন্দী ভাষাত নিৰ্মাণ কৰিব পাৰিব। লগতে, ভিডিঅ'টোত খাদ্যৰ ৰেচিপি আৰু খাদ্যৰ লাভালাভবোৰৰ বিষয়ে ক'ব লাগিব। এজন ব্যক্তিয়ে কেৱল এটা ভিডিঅ'হে প্ৰেৰণ কৰিব পাৰিব। 

মানুহে, যি খাদ্য সম্ভাৰ বাছনি কৰে, ই আয়ুষৰ নীতি অনুসৰি হ'ব লাগিব। অৰ্থাৎ, সেই ৰেচিপিত কৃত্ৰিম ৰং, ফ্লেভাৰ বা সংৰক্ষক ব্যৱহাৰ কৰিব নোৱাৰিব। ভিডিঅ'টোৰ ওপৰত আধাৰিত কৰি, প্ৰতিটো শ্ৰেণীৰ পৰা ৫ জন লোকবাছনি কৰা হ'ব। যিসকলে চূড়ান্ত পৰ্যায়ত উপনীত হ'ব তেওঁলোকক ২২ এপ্ৰিলত গুজৰাটৰ গান্ধীনগৰত অনুষ্ঠিত হ'বলগীয়া আয়ুষ বিনিয়োগ সন্মিলনত চূড়ান্ত প্ৰতিযোগিতাৰ বাবে আহ্বান জনোৱা হ'ব। 

এই সন্মিলনত, অংশগ্রহণকাৰীসকলে সকলোৰে সন্মুখত পুনৰ একেটা ব্যঞ্জন বনাই দেখুৱাব লাগিব, লগতে ইয়াৰ লাভালাভবোৰো আয়ুষ বিনিয়োগ সন্মিলনত ক'ব লাগিব। ফাইনেলত, প্ৰতিটো শ্ৰেণীত ৩-৩ জন বিজয়ী ঘোষণা কৰা হ'ব।

অৰ্থাৎ, ৬ টা শ্ৰেণীত মুঠ ১৮ জন বিজয়ী থাকিব। এই বিজয়ীসকলৰ যিসকলে আয়ুষ মন্ত্ৰালয়ৰ মাষ্টাৰ চেফ প্ৰতিযোগিতাত প্ৰথম স্থান লাভ কৰিব তেওঁলোকে ১ লাখ টকাকৈ পুৰস্কাৰ লাভ কৰিব, যিসকলে দ্বিতীয় স্থানত থাকিব ৭৫ হাজাৰ আৰু তৃতীয় স্থানত থকাসকলে ৫০ হাজাৰ টকাৰ পুৰস্কাৰ লাভ কৰিব।