বাউঞ্চাৰ পৰি মূৰ ফটা ভাৰতীয় ক্ৰিকেটাৰজনৰ ৬০ বছৰৰ পিছত চিকিৎসকে অস্ত্ৰোপচাৰ কৰি উলিয়ালে এক আচৰিত বস্তু

গুৱাহাটী, ৮ এপ্রিলঃ শেহতীয়াকৈ, চিকিৎসকসকলে প্ৰাক্তন ভাৰতীয় ক্ৰিকেটাৰ নাৰি কন্ট্ৰেক্টৰৰ মুৰৰ পৰা ধাতুৰ প্লেট আঁতৰাই পেলাইছে। 

দৰাচলতে, ৬০ বছৰ আগতে ১৯৬২ চনত ৱেষ্ট ইণ্ডিজ ভ্ৰমণৰ সময়ত ভাৰতীয় ক্ৰিকেটাৰ নাৰি কন্ট্ৰেক্টৰৰ মূৰত কেৰিবিয়ান বলাৰ চাৰ্লি গ্ৰিফিথৰ এটা বাউন্চাৰ বলৰ আঘাত হৈছিল। 

চাৰ্লি গ্ৰিফিথৰ বাউন্চাৰে নাৰি কন্ট্ৰেক্টৰক ইমান বেছিকৈ আঘাত কৰে যে তেওঁৰ মূৰটো ফাটি যায়। যাৰ বাবে নাৰিয়ে ৬ দিন ধৰি চিকিৎসালয়ত অচেতন হৈ থাকিবলগীয়া হয়। নাৰিৰ অৱস্থা সংকটজনক আছিল, যাৰ পিছত চিকিৎসকসকলে তেওঁৰ মূৰত ধাতুৰ প্লেট এখন ৰাখিছিল। 

 এ তিয়া ৬০ বছৰৰ পিছত, মুম্বাইৰ এখন চিকিৎসালয়ত অস্ত্ৰোপচাৰৰ জৰিয়তে তেওঁৰ ধাতুৰ প্লেটখন আঁতৰোৱা হৈছে। এক বাৰ্তালাপৰ সময়ত নাৰিৰ পুত্ৰই কৈছে, "অপাৰেচনটো সফল হৈছে, দেউতা সোনকালেই সুস্থ হৈ উঠিব। তেওঁ আৰু কেইদিনমান চিকিৎসালয়ত থাকিব লাগিব। ধাতুৰ প্লেটৰ বাবে, তাত থকা ছাল আঁতৰ কৰা হৈছে, যাৰ পিছত চিকিৎসকে প্লেটখন আঁতৰাবলৈ পৰামৰ্শ দিয়ে। আমাৰ পৰিয়ালটো অলপ চিন্তিত হৈ আছে যদিও এইটো এটা ডাঙৰ অপাৰেচন নাছিল, কিন্তু এইটো এটা গুৰুত্বপূৰ্ণ অপাৰেচন আছিল। 

এই আঘাতৰ বাবে, নাৰিৰ কেৰিয়াৰ বেছি দিন স্থায়ী হৈ থাকিব নোৱাৰিলে। নৰিয়ে ভাৰতৰ হৈ ৩১.৫৯ গড়ে ৩১ খন টেষ্ট মেচত ১৬১১ ৰাণ সংগ্ৰহ কৰিছিল। ১৯৬২ চনত নাৰিৰ মূৰটো বাউঞ্চাৰ বল পৰি ফাটি যোৱাৰ পিছত প্ৰায় ৬ দিন ধৰি অচেতন হৈ থাকিবলগীয়া হয়। 

অস্ত্ৰোপচাৰৰ সময়ত, নাৰিৰ জীৱন ৰক্ষা কৰিবলৈ কমেও ৬ জন লোকে ৰক্তদান কৰিছে। সেই লোকসকলৰ ভিতৰত আছিল ৱেষ্ট ইণ্ডিজৰ মহান অধিনায়ক ফ্ৰেংক ৱ'ৰেল, চান্দু বৰদে, বাপু নাদকাৰ্ণী, পলী উমৰিগৰ আৰু সাংবাদিক কে এন প্ৰভু। 

সেই আঘাতৰ পিছত, নাৰিৰ বহুতো অস্ত্ৰোপচাৰ কৰা হয়। পিছত, তামিলনাডুৰ এখন চিকিৎসালয়ত আঢ়ৈ ঘণ্টাৰ অস্ত্ৰোপচাৰৰ পিছত, তেওঁৰ মূৰত এটা ধাতুৰ প্লেট ৰখা হয়। ৮৮ বছৰীয়া নাৰিয়ে ভাৰতৰ হৈ ৩১ খন টেষ্ট মেচ খেলিছে। নাৰিয়ে ১৩৮ খন প্ৰথম শ্ৰেণীৰ মেচও খেলিছে। সেই আঘাতৰ পিছত নাৰিৰ আন্তঃৰাষ্ট্ৰীয় কেৰিয়াৰ বন্ধ হৈ গৈছে। ১৯৫৯ চনত ইংলেণ্ডৰ বিৰুদ্ধে নাৰিৰ আন এটা উজ্জ্বল ইনিংছও দেখা গৈছে।