শক্তিশালী হাড় গঠনৰ বাবে এগিলাচ গাখীৰৰ সৈতে গ্ৰহণ কৰিবলগীয়া ৫ বিধ খাদ্য সামগ্রী

গুৱাহাটী, ১১ এপ্ৰিলঃ শক্তিশালী হাড়ৰ বাবে মাত্ৰ এগিলাচ গাখীৰ পৰ্যাপ্ত নহয়। প্ৰকৃততে, এগিলাচ গাখীৰে 'কেলচিয়াম'ৰ দৈনিক প্ৰয়োজনীয়তাৰ ২৫ শতাংশহে পূৰণ কৰিব পাৰে। আনহাতে মানুহৰ শৰীৰক দৈনিক ১,২০০-১০,০০০ মিগ্ৰা কেলচিয়ামৰ প্ৰয়োজন। সেয়েহে গাখীৰৰ লগত গ্ৰহণ কৰিব লগীয়া ৫ বিধ খাদ্য সামগ্রীৰ বিষয়ে জানি লওঁক। 

১. টফু

টফু খোৱাৰ ফলত, শৰীৰত যথেষ্ট কেলচিয়াম পোৱা যায়। ২০০ গ্ৰাম টফুত প্ৰায় ৭০০ মিলিগ্ৰাম কেলচিয়াম থাকে। এইটো কটেজ চীজৰ দৰে দেখা যায়। ইয়াক পাচলি বা চালাডৰ সৈতে আহাৰত অন্তৰ্ভুক্ত কৰিব পাৰি। টফুত প্ৰ'টিন, মেগনেছিয়াম আৰু ফছফৰাছও পোৱা যায়।

২. কাঠবাদাম

এটা কাঠবাদাম খালে মানুহে শৰীৰত প্ৰায় ৩০০ মিগ্ৰা কেলচিয়াম পায়। পুৱা তিয়াই থোৱা কাঠবাদাম খোৱাটো স্বাস্থ্যৰ বাবে যথেষ্ট উপকাৰী।

৩. দৈ

দৈয়ে মানুহৰ শৰীৰক কেলচিয়াম প্ৰদান কৰে। যদি মানুহে দৈনিক একাপ দৈ খায়, তেন্তে তেওঁ ৩০০-৩৫০ মিগ্ৰা কেলচিয়াম পায়। ইয়াক পুৱাৰ আহাৰ, দুপৰীয়াৰ আহাৰ বা ৰাতিৰ আহাৰৰ সৈতেও খাব পাৰে।

৪. কাবুলী বুট

কাবুলী বুট কেলচিয়ামৰ বাবেও যথেষ্ট উপকাৰী। কাবুলী বুট খাবলৈ যেনেদৰে সোৱাদেৰে ভৰা তেনেদৰে ই স্বাস্থ্যৰ বাবেও অতিকৈ উপকাৰী। দুটা বুটত প্ৰায় ২৪০ মিগ্ৰা কেলচিয়াম পোৱা যায়।

৫. ৰাগী

ৰাগি কেলচিয়ামৰ এটা ভাল উৎস। ১০০ গ্ৰাম ৰাগিত প্ৰায় ৩৪৫ মিগ্ৰা কেলচিয়াম পোৱা যায়। মানুহে সপ্তাহত চাৰিবাৰ ৰাগি খাব পাৰে।

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।