মাতৃ নীতু কাপুৰে পুত্ৰ-বোৱাৰীক দিছে ২৬ কোটি মূল্যৰ ফ্লেট,ৰণবীৰ সিঙে দিলে ৭৮ লাখ টকা মূল্যৰ বাইক

গুৱাহাটী,১৯ এপ্ৰিল:বছৰটোৰ আৰম্ভণিতে এখন বহু চৰ্চিত বিয়া সম্পন্ন হৈ যায়৷ নিশ্চিতভাৱে সেয়া ৰণবীৰ কাপুৰ আৰু আলিয়া ভাটৰ বিয়া৷ এবাৰ চাওঁ আহক উক্ত বিয়াত বলিউডৰ কোন তাৰকাই কিমান দামী উপহাৰ প্ৰদান কৰিলে;ৰণবীৰৰ প্রাক্তন প্রেমিকা দীপিকা পাডুকনে দৰা-কইনাৰ বাবে এক প্ৰখ্যাত বিদেশী কোম্পানীৰ ঘড়ী উপহাৰ দিছে, যাৰ মূল্য আনুমানিক ১৫ লাখ টকা। আনহাতে, দীপিকাৰ স্বামী ৰণবীৰ সিঙে ৰণবীৰ কাপুৰক দিছে পৃথক উপহাৰ। তেওঁ দিছে ৭৮ লাখ টকা মূল্যৰ কাৱাছাকি নিনজা এইচ টু আৰ বাইক।

কেটৰিনা কাঈফে আলিয়াক দিছে এডাল প্লেটিনাম ব্রেছলেট, যাৰ মূল্য ১৪ লাখৰো অধিক।দূৰৈৰ পৰা হ’লেও প্রিয়ঙ্কা চোপ্ৰাই আলিয়াৰ বিয়ালৈ উপহাৰ হিচাবে পঠাইছে হীৰাৰ হাৰ। হাৰডালৰ মূল্য ৯ লাখ টকা।

বৰুণ ধৱনে আলিয়াক তেওঁৰ পছন্দ অনুযায়ী ৪ লাখ টকা মূল্যৰ হাই হিল জোতা উপহাৰ দিছে। আনহাতে, নিজৰ অতি ভাল বান্ধৱ সিদ্ধার্থই দিছে দামী ব্ৰেণ্ডৰ বেগ, যাৰ মূল্য ৩ লাখ টকা। লগতে দুয়োৰে বিয়াত পৰিচালক তথা ৰণবীৰৰ ঘনিষ্ঠ বন্ধু অয়ন মুখাৰ্জীয়ে দিছে এক কোটিৰো অধিক মূল্যৰ এখন গাড়ী।অনুস্কা শর্মাই আলিয়াক দিছে মণীষ মলহোত্রাৰ পোছক, যাৰ মূল্য ১ লাখ ৬০ হাজাৰ টকা।আনহাতে, মাতৃ নীতু কাপুৰে পুত্ৰ-বোৱাৰীক দিছে ২৬ কোটি মূল্যৰ ফ্লেট।