ৰাছিয়াই মাৰিয়পোল দখল কৰাত, পুটিনে সেনাবাহিনীক জনালে অভিনন্দন

গুৱাহাটী, ২২ এপ্ৰিলঃ ৰাছিয়া আৰু ইউক্ৰেইনৰ মাজত প্ৰায় দুমাহ ধৰি যুদ্ধ চলি আছে। ৰাছিয়াৰ সেনাই ইউক্ৰেইনৰ বহুতো অঞ্চল নিজৰ দখললৈ নিছে। বৃহস্পতিবাৰে, ৰাছিয়াৰ সেনাই ইউক্ৰেইনৰ বন্দৰ চহৰ মাৰিয়পোলও দখল কৰে, যাক অতি গুৰুত্বপূৰ্ণ বুলি গণ্য কৰা হয়। ৰাছিয়াৰ ৰাষ্ট্ৰপতি ভ্লাদিমিৰ পুটিনে ইয়াৰ পিছতে নিজ দেশৰ সৈনিকসকলক ইউক্ৰেইনৰ ওপৰত পোৱা এই সাফল্যৰ বাবে অভিনন্দন জনাইছে। 

পুটিনে ৰাছিয়াৰ সৈন্যৰ দ্বাৰা মাৰিয়পোল দখল কৰাৰ বাবে প্ৰশংসা কৰে আৰু ইয়াক এক সফল অভিযান বুলি অভিহিত কৰে। পুটিনে তেওঁৰ সেনাক মাৰিয়পোল আক্ৰমণ নকৰিবলৈ আদেশ দিয়ে, কিন্তু মাৰিয়পোলক সকলো ফালৰ পৰা অৱৰোধ কৰি বন্দী কৰিবলৈ আদেশ দিছে।

ইপিনে, মস্কোৰ এজন জ্যেষ্ঠ কূটনীতিবিদে কৈছে যে, "যেতিয়া নাটোৱে ইউক্ৰেইনক পুতলা সজোৱা বন্ধ কৰিব, তেতিয়া ৰাছিয়াই যুদ্ধ বন্ধ কৰিব।"

ইপিনে, পুটিনে তেওঁৰ সৈন্যসকলক আজোভষ্টাল ষ্টীল প্ৰকল্পত আক্ৰমণ নকৰিবলৈ নিৰ্দেশ দিছে। দৰাচলতে, মাৰিয়পোল ইউক্ৰেইনৰ এটা অন্তিম দুৰ্গ আছিল যিটো এতিয়া ৰাছিয়াৰ দখলত আছে।

আনহাতে, ৰাছিয়াৰ প্ৰতিৰক্ষা মন্ত্ৰীয়ে কয় যে, "মস্কোৱে এতিয়া মাৰিয়পোল চহৰখন নিয়ন্ত্ৰণ কৰি আছে। বহু সংখ্যক ইউক্ৰেনীয় সৈন্য এজোভষ্টাল ষ্টীল প্ৰকল্পত বাস কৰি আছে। 

সন্দৰ্ভত পুটিনে তেওঁৰ সেনাক কৈছে, "এই ঔদ্যোগিক এলেকাটো বন্ধ কৰি দিয়ক যাতে এজনো ইউক্রেইনৰ সৈনিক ওলাই আহিব নোৱাৰে।" আমাৰ দেশৰ সামৰিক বাহিনীয়ে পূৱ ইউক্ৰেইনৰ দুটা বিচ্ছিন্নতাবাদী অঞ্চল মুক্ত কৰিবলৈ প্ৰণালীবদ্ধ প্ৰস্তুতি চলাই আছে।" 

আজভ সাগৰৰ কাষত থকা মাৰিয়পোল চহৰৰ সম্পূৰ্ণ নিয়ন্ত্ৰণ লোৱাটো ৰাছিয়াৰ বাবে এক ডাঙৰ কৌশলগত বিজয় হ'ব। ই ক্ৰিমিয়াক পূৱ ইউক্ৰেইনৰ ৰাছিয়া-পন্থী বিচ্ছিন্নতাবাদী নিয়ন্ত্ৰিত অঞ্চলৰ সৈতে সংযুক্ত কৰিবলৈ অনুমতি দিব।