ৰক্তচাপ নিয়ন্ত্ৰণ কৰাত অতিকৈ উপকাৰী ইলাচী; আজিয়ে অন্তৰ্ভুক্ত কৰক আহাৰত

গুৱাহাটী, ২০ এপ্রিলঃ ভাৰতবৰ্ষৰ প্ৰায়সংখ্যক লোকৰ পাকঘৰতে ইলাচী পোৱা যায়। চাহত ব্যৱহাৰ কৰাৰ লগতে ইলাচী বহুতো পাচলিত ব্যৱহাৰ কৰা হয়, কিন্তু কমসংখ্যক লোকেহে জানে যে ই সুগন্ধিযুক্ত হোৱাৰ লগতে বহুতো ৰোগৰ পৰা আঁতৰাই ৰখাৰ গুণাগুণ আছে।

ৰক্তচাপ সন্তুলিত কৰি ৰখাৰ লগতে হৃদৰোগৰ আশংকা হ্ৰাস কৰাত ইলাচী অতি উপকাৰী। ইয়াৰ লগতে ইলাচীৰ আন বহুটো লাভালাভ আছে।

ইলাচীত কাৰ্বোহাইড্ৰেট, আঁহ, কেলচিয়াম, পটাছিয়াম, মেগনেছিয়াম, আইৰণ আৰু ফছফৰাছৰ দৰে খনিজ পদাৰ্থ থাকে। এনে পৰিস্থিতিত, উচ্চ ৰক্তচাপত ভুগি থকা লোকসকলে ইলাচী আহাৰত অন্তৰ্ভুক্ত কৰিব পাৰে। প্ৰকৃততে, কেলচিয়াম, ফছফৰাছ আৰু পটাছিয়ামৰ দৰে খনিজ পদাৰ্থই উচ্চ ৰক্তচাপ নিয়ন্ত্ৰণ কৰাত এক গুৰুত্বপূৰ্ণ ভূমিকা পালন কৰে।

ইলাচী খোৱাৰ লাভালাভসমূহঃ

ইলাচীৰ ব্যৱহাৰ জৈৱ ৰাসায়নিক প্ৰক্ৰিয়াক দ্ৰুত কৰাৰ ক্ষেত্ৰতো যথেষ্ট লাভজনক। ৰোগ প্ৰতিৰোধ ক্ষমতা শক্তিশালী কৰিবলৈ, মানুহে নিজৰ আহাৰত ইলাচী অন্তৰ্ভুক্ত কৰিব পাৰে। 

ইলাচী খালে হৃদৰোগৰ আশংকা হ্ৰাস হয়। অৰ্থাৎ ইয়াক খাই শৰীৰত থকা কলেষ্টেৰল নিয়ন্ত্ৰণ কৰিব পাৰি। 

যিসকল লোকৰ সময়মতে টোপনি নাহে বা টোপনি যোৱাৰ সময়ত সমস্যা হয়, তেওঁলোকে নিশ্চিতভাৱে ইলাচী গ্ৰহণ কৰিব লাগে। 

• ইলাচী খোৱাৰ সঠিক পদ্ধতিঃ

১. ইলাচীয়ে মুখখনক দীৰ্ঘসময়ৰ বাবে সতেজ কৰি ৰাখে। ইয়াৰ বাবে মানুহে ইলাচীৰ বীজ বোৰ পোনপটীয়াকৈ চোবাই খাব পাৰে। 

২. ইয়াৰ উপৰিও, ইলাচী চাহত দিও খাব পাৰে।

৩. ইয়াৰ লগতে যিকোনো খাদ্যত ইলাচী দি খাব পাৰে। ই খাদ্যৰ সোৱাদও বৃদ্ধি কৰে। 

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।