কৰাচী বিশ্ববিদ্যালয় চৌহদৰ বিস্ফোৰণত মৃত্যু হোৱা চাৰিজনৰ ভিতৰত তিনিজনেই চীনা নাগৰিক

গুৱাহাটী,২৭ এপ্ৰিল: কৰাচী বিশ্ববিদ্যালয় চৌহদৰ বিস্ফোৰণত মৃত্যু হোৱান চাৰিজনৰ ভিতৰত তিনিজনেই চীনা নাগৰিক। আন এজন চীনা নাগৰিক গুৰুতৰভাবে আহত হৈছে। এই আক্ৰমণৰ দায়িত্ব স্বীকাৰ কৰিছে বালোচিস্তান লিবাৰেচন আর্মিয়ে। এগৰাকী মহিলা আত্মঘাতী বোমাৰুৱে উক্ত বিস্ফোৰণ ঘটাইছিল৷ ঘটনাটোৰ পিছতেই বেইজিঙে পাকিস্তানত কর্মৰত চীনা নাগৰিকসকলৰ নিৰাপত্তা বৃদ্ধিৰ কথা কৈছে। 

অপৰাধীক চিনাক্ত কৰিবলৈ এটি পুঙ্খানুপুঙ্খ তদন্ত কমিটি পাক চৰকাৰক গঠনৰ বার্তাও দিছে বেইজিঙে। ভাবুকিৰ সুৰত বেইজিঙৰ বিদেশ মন্ত্ৰালয়ে কৈছে, ‘চীনা নাগৰিকসকলৰ ৰক্ত বিফলে নাযাব। এই ঘটনাৰ আঁৰত যিসকল আছে, তেওঁলোকে ইয়াৰ মূল্য পৰিশোধ কৰিব লাগিব।’ চীনৰ বিদেশ মন্ত্ৰালয়ে বেইজিঙত অৱস্থিত পাক দূতাবাসৰ সৈতেও যোগাযোগ কৰা হৈছে। ফোনত কথাও পাতিছে পাক ৰাষ্ট্রদূতৰ সৈতে।উল্লেখ্য, আক্ৰমণত মৃত্যু হোৱা তিনিজন চীনা নাগৰিকেই পেছাত শিক্ষক আছিল।