অসম আৰক্ষীৰ মুখ্য কার্যালয়ৰ সন্মুখত প্ৰতিবাদ কৰি আৰক্ষীৰ ৰোষত পৰা প্ৰতিবাদী চাকৰিপ্ৰাৰ্থীক শীঘ্ৰে মুকলিৰ নিৰ্দেশ

গুৱাহাটী,২৫ এপ্ৰিল:যােৱা ১৯ এপ্রিলত গুৱাহাটীৰ উলুবাৰীস্থিত অসম আৰক্ষীৰ মুখ্য কার্যালয়ৰ সন্মুখত আৰক্ষী নিযুক্তি পৰীক্ষাৰ ফলাফল শীঘ্ৰে ঘােষণা কৰিবলৈ দাবী জনাই ধর্ণা কার্যসূচী ৰূপায়ণ কৰিছিল বহুসংখ্যক ছাত্ৰ-ছাত্ৰীয়ে । ইয়াৰ মাজতে আৰক্ষীয়ে গ্ৰেপ্তাৰ কৰিছিল ৩৬ গৰাকী প্ৰতিবাদী চাকৰিপ্ৰাৰ্থীক । পৰৱৰ্তী সময়ত তেওঁলােকক প্ৰেৰণ কৰা হয় ন্যায়িক জিম্মালৈ ।

আৰক্ষীয়ে গ্রেপ্তাৰ কৰা ৩৬ গৰাকী চাকৰিপ্ৰাৰ্থীক মুকলিৰ নিৰ্দেশ মুখ্যমন্ত্ৰীৰসোমবাৰে সমগ্ৰ বিষয়টোত হস্তক্ষেপ কৰে মুখ্যমন্ত্ৰী ড° হিমন্ত বিশ্ব শৰ্মাই । বিষয়টো মানৱীয় তথা সহানুভুতিৰ দৃষ্টিভংগীৰে চোৱাৰ নিৰ্দেশ মুখ্যমন্ত্ৰীৰ । লগতে ৩৬ গৰাকী চাকৰিপ্ৰাৰ্থী প্ৰতিবাদকাৰীকে অতিশীঘ্ৰেই মুকলি কৰি দিয়াৰো নিৰ্দেশ প্ৰদান কৰে মুখ্যমন্ত্ৰীগৰাকীয়ে । এই চাকৰিপ্ৰাৰ্থীসকল যাতে শীঘ্ৰেই মুকলি হয় সেই দিশত যথাযথ ব্যৱস্থা গ্ৰহণ কৰিবলৈ আৰক্ষীক নির্দেশ দিছে মুখ্যমন্ত্ৰীগৰাকীয়ে।