ইমৰান খানৰ সপোনৰ বিশ্ববিদ্যালয়ত মাত্ৰ আছে ৩৭ জন শিক্ষাৰ্থী, হিচাপবিহীন ভাৱে লাখ লাখ টকা অনুদান কৰি আছে খৰচ

গুৱাহাটী, ২৬ এপ্ৰিল:পাকিস্তানৰ বহিষ্কৃত প্ৰধানমন্ত্ৰী ইমৰান খানৰ সপোনৰ প্ৰতিষ্ঠান, আল কাদিৰ বিশ্ববিদ্যালয়, ২০১৯ চনত তেওঁৰ শাসনকালত এজন ৰিয়েল ইষ্টেট জায়েণ্টৰ দ্বাৰা দান কৰা ভূমিৰে নিৰ্মাণ কৰি মুকলি কৰা হৈছিল, এতিয়ালৈকে ৩৭ জন শিক্ষাৰ্থীৰ থকা এইখন বিশ্ববিদ্যালয়ে লাখ লাখ টকা অনুদান লাভ কৰি আছে।

দ্য নিউজৰ বাতৰি অনুসৰি, এটা ট্ৰাষ্টৰ দ্বাৰা পৰিচালিত এই অনুষ্ঠানৰ মূল ট্ৰাষ্টীসকল আছিল প্ৰাক্তন নেতা, তেওঁৰ পত্নী বুশ্ৰা বিবি, জুলফিকাৰ আব্বাছ বুখাৰী আৰু জাহিৰ উদ দিন বাবৰ আৱান।পিছত, বুখাৰী আৰু বাবৰ আৱানক ট্ৰাষ্টৰ পৰা আঁতৰাই দিয়া হয় আৰু আৰিফ নাজিৰ বাট আৰু ফাৰহাট শ্বেহজাদীক যুক্ত কৰা হয়।।