শ্বাহৰুখ খানে আমেৰিকা যুক্তৰাষ্ট্ৰত নিৰ্মাণ কৰিব এখন বিশ্বমানৰ ক্ৰিকেট ষ্টেডিয়াম

গুৱাহাটী,২ মে':শ্বাহৰুখ খানে আমেৰিকা যুক্তৰাষ্ট্ৰৰ গ্ৰেটাৰ লছ এঞ্জেলছত এখন বিশ্বমানৰ তথা অত্যাধুনিক ক্ৰিকেট ষ্টেডিয়াম নিৰ্মাণ কৰাৰ কথা ঘোষণা কৰিছে।চুপাৰষ্টাৰ শ্বাহৰুখ খান আই.পি.এলৰ দল কলকাতা নাইট ৰাইডাৰ্ছৰ সহ-স্বত্বাধিকাৰী,প্ৰকল্পটো সম্পন্ন কৰাত আমেৰিকা যুক্তৰাষ্ট্ৰৰ এমএলচি টি-২০য়ে শ্বাহৰুখ খানক সহযোগিতা কৰিব।

শ্বাহৰুখে লগতে তেওঁৰ বিবৃতিত কয়,"আমেৰিকা যুক্তৰাষ্ট্ৰত ক্ৰিকেটৰ ৰোমাঞ্চকৰ ভৱিষ্যতৰ ওপৰত আমাৰ বিশ্বাস আছে।টি-২০ ক্ৰিকেটত নাইট ৰাইডাৰ্ছক এটা গোলকীয় ব্ৰেণ্ড হিচাপে প্ৰতিষ্ঠা কৰাৰ বাবে আমি কৰা ৰণনীতিৰ সৈতে ই ভালদৰে সংযোজিত হৈছে।লছ এঞ্জেলছত এখন বিশ্বমানৰ ক্ৰিকেট ষ্টেডিয়াম নিৰ্মাণৰ পৰিকল্পনা আমাৰ আৰু এমএলচি দুয়োৰে বাবে ৰোমাঞ্চকৰ অনুভূতি।লগতে ক্ৰিকেট প্ৰেমী তথা অনুৰাগীসকলৰ বাবে অসামান্য আন্তঃগাঁথনি নিৰ্মাণ কৰিবলৈ এমএলচি সদায়ে প্ৰতিশ্ৰুতিবদ্ধ,আমি সদায়ে এনেধৰনৰ উচ্চ মানদণ্ডৰ কাম কৰিবলৈ আগ্ৰহী।"