গ্ৰীষ্মকালত পদিনাৰ পাতৰ চাহ সেৱন কৰাৰ উপকাৰিতা

গুৱাহাটী, ১০ মেঃ গ্ৰীষ্মকালত বেছিসংখ্যক লোকে চাহ সেৱন কৰিবলৈ ভাল নাপায়। কিয়নো সকলোৱে গৰমৰ দিনবোৰত শীতল পানীয় আদি সেৱন কৰিব ভাল পায়। কিন্তু গৰমৰ দিনত পদিনাৰ চাহ এক উৎকৃষ্ট বিকল্প হ'ব পাৰে। গ্ৰীষ্মকালত, পদিনাই শৰীৰক শীতলতা প্ৰদান কৰে। গতিকে এনে পৰিস্থিতিত সকলোৱে পদিনাৰ চাহ সেৱন কৰিব পাৰে। ইয়াৰ ফলত শৰীৰটো কেৱল শীতল পৰাই নহয় বৰঞ্চ অৱসাদও আঁতৰি থাকিব। 

গৰমৰ দিনত পদিনাৰ চাহ সেৱন কৰাৰ উপকাৰিতাঃ

১. শৰীৰ শীতল হ'ব

পদিনা চাহে শৰীৰটোক শীতল কৰি ৰাখিব। পদিনা পাতত ভিটামিন-এ, ভিটামিন-চি আৰু বি-কমপ্লেক্স, ফছফৰাছ, কেলচিয়াম থাকে, ইয়াৰ উপৰিও পদিনাত বেক্টেৰিয়া-প্ৰতিৰোধী গুণাগুণ থাকে। ই হিমোগ্লোবিনৰ স্তৰ উন্নত কৰে। ই মস্তিষ্কৰ স্বাস্থ্যৰ বাবেও উপকাৰী। 

২. মূৰৰ বিষ আঁতৰ হ'ব

গ্ৰীষ্মকালত, বেছিভাগ লোকে মূৰৰ বিষৰ অভিযোগ কৰে। যদি কাৰোবাৰ এনে সমস্যা হ'লে পদিনা চাহ সেৱন কৰে তেন্তে বহুতো লাভালাভ পাব। অৰ্থাৎ ইয়াৰ ফলত মানুহৰ মুৰৰ বিষ নাইকিয়া হ'ব। একে সময়তে, ভাগৰ আৰু দুৰ্বলতা হ্ৰাস হ'ব। 

৩. ওজন হ্ৰাস হ'ব

ওজন হ্ৰাস কৰিব বিচৰা লোকসকলে এই চাহ বনাই সেৱন কৰিব পাৰে। ইয়াক নিয়মীয়াকৈ সেৱন কৰি মানুহে ওজন হ্ৰাস কৰিব পাৰে। প্ৰকৃততে, পদিনাত কেলৰিৰ পৰিমাণ অতি কম, সেয়েহে ই ওজন হ্ৰাস কৰাত সহায়ক হয়। 

• পদিনা চাহ বনোৱাৰ পদ্ধতিঃ

প্ৰথমে ৬-৭ টা পদিনা পাত ধুই ল'ব। ইয়াৰ পিছত, গেছত অলপ পানী গৰম কৰক। ইয়াক উতলাই দিয়াৰ পিছত, ইয়াত এই পাতবোৰ যোগ দিয়ক। কিছু সময়ৰ পিছত গেছটো বন্ধ কৰক আৰু কিছু সময়ৰ বাবে ঢাকি ৰাখক। অলপ সময়ৰ পিছত ইয়াক ফিল্টাৰ কৰি পান কৰিব পাৰে।  

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।