কৰ'নাৰ মাজতে পোৱা গ'ল আন এক বিপদজনক ভাইৰাছৰ সম্ভেদ

গুৱাহাটী, ১০ মেঃ গোটেই বিশ্ববাসীয়ে এতিয়াও ক'ৰনা ভাইৰাছৰ বিৰুদ্ধে যুঁজ দি আছে। এই ভাইৰাছে পুনৰ চীনত তীব্ৰতৰ ৰূপ ধাৰণ কৰিছে। ইয়াৰ বিভীষিকা এতিয়াও শেষ হোৱা নাই, ঠিক তেনেতে আন এটা নতুন ভাইৰাছৰ সম্ভেদ পোৱা গৈছে। প্ৰতিবেদন অনুসৰি, ব্ৰিটেইনত মাঙ্কিপক্স ভাইৰাছত এজন আক্রান্ত হোৱা লোক ধৰা পৰিছে। 

এইটো কোৱা হৈছে যে এই ভাইৰাছটো নিগনিৰ দৰে সংক্ৰমিত জীৱৰ পৰা মানুহলৈ বিয়পে। যিজন ব্যক্তিৰ মাজত এই ভাইৰাছটো নিশ্চিত কৰা হৈছে তেওঁ অলপতে নাইজেৰিয়াৰ পৰা আহিছে। এনে পৰিস্থিতিত, বিশ্বাস কৰা হয় যে এই ভাইৰাছটো সেই লোকজনৰ পৰা আহিছে।

এই গোচৰটো পোৱাৰ পিছত সংস্থাটো সতৰ্ক হৈ আছে। সংস্থাটোৱে কৈছে যে, "মাঙ্কিপক্স এটা বিৰল ভাইৰাছ আৰু ই সহজে বিয়পি নাযায়। এই ভাইৰাছটোৰ ওপৰত এটা অধ্যয়ন কৰা হৈছে। ইয়াৰ লক্ষণবোৰ সৰু। আটাইতকৈ ভাল কথাটো হ'ল ইয়াৰ ভুক্তভোগীসকলে কেইসপ্তাহমানৰ ভিতৰত আৰোগ্য হ'ব পাৰে।"

"অৱশ্যে, ৰোগ প্ৰতিৰোধ প্ৰণালী দুৰ্বল হ'লে ই বিপদজনক হ'ব পাৰে। যোৱা বছৰ জুলাইত, আমেৰিকা যুক্তৰাষ্ট্ৰৰ টেক্সাছত এজন ব্যক্তিৰ এই ভাইৰাছ থকাটো নিশ্চিত কৰা হৈছে।"

 আনহাতে, ব্ৰিটেইনৰ স্বাস্থ্য বিষয়াসকলে কৈছে যে, "মাঙ্কিপক্সত আক্রান্ত প্ৰথমজন লোক ধৰা পৰাৰ পিছত অতিৰিক্ত সাৱধানতা অৱলম্বন কৰা হৈছে। বৰ্তমান চিকিৎসালয়ত ইয়াৰ চিকিৎসা চলি আছে আৰু মানুহজনৰ অৱস্থা ঠিকেই আছে। তেওঁৰ সংস্পৰ্শলৈ অহা লোকসকলক অনুসন্ধান কৰা হৈছে। কিছুমান লোক পোৱা গৈছে, তেওঁলোকক এই ৰোগসম্পৰ্কে প্ৰয়োজনীয় পৰামৰ্শ দিয়া হৈছে আৰু ইয়াক পৰিহাৰ কৰাৰ ব্যৱস্থা লোৱা হৈছে।"

ইপিনে, বিশেষজ্ঞসকলৰ মতে, মাঙ্কিপক্স হৈছে এক বিৰল ভাইৰাছ। ফ্লুৰ লক্ষণবোৰ ইয়াৰ দ্বাৰা পীড়িত ব্যক্তিজনৰ ক্ষেত্ৰত দেখা গৈছে। যদি কাৰোবাৰ অৱস্থা বেয়া হয়, তেন্তে তেওঁ নিউমোনিয়াৰ অভিযোগও কৰিব পাৰে। গোটেই শৰীৰ আৰু মুখমণ্ডলত চোকোৰা পৰিবলৈ ধৰে।