সোণাৰি সমষ্টিৰ বেঙেনাবাৰী পঞ্চায়তত সাপেখাতীৰ আবকাৰীৰ  চুলাই মদৰ অভিযান

সোণাৰি, ২২ ছেপ্টেম্বৰ: চৰাইদেউ জিলাৰ সোণাৰি সমষ্টিৰ সাপেখাতীৰ  আবকাৰীয়ে আজি পুৱাৰ ভাগত সোণাৰিৰ বেঙেনাবাৰী অঞ্চলৰ বহু কেইটা দূৰ্গম অঞ্চলত চুলাই মদৰ অভিযান চলাই।

সোণাৰিৰ বেঙেনাবাৰী অঞ্চলত অসাধু সুৰাৰ ব্যৱসায়ীয়ে  পাতি লোৱা কেইবাটাও  ভাতি ধ্বংস কৰাৰ লগতে প্ৰায় ৫১০ লিটাৰ অবৈধ সুৰা তৈয়াৰ কৰাৰ বাবে ৰখা পাছ, ২৫লিটাৰ বিক্ৰীৰ বাবে সাজু কৰি ৰখা চুলাই মদ, আৰু ৫ টা মদ তৈয়াৰত ব্যৱহাৰ হোৱা যন্ত্ৰ  পায় জব্দ কৰি ঠাইতে নষ্ট কৰি পেলায়।

অভিযান কাৰি যোৱাৰ উমান পায় অসাধু সুৰাৰ ব‍্যৱসায়ী কেইজন পলাই যাবলৈ সক্ষম হয় যদিও আবকাৰী অভিযান কাৰি দলে ৬ গোচৰ ৰুজু কৰিছে বুলি আমাক জানিবলৈ দিয়ে।