ইউক্ৰেইনৰ চাৰিটা দখল কৰা অঞ্চলত গণভোটৰ ঘোষণা কৰিলে ৰাছিয়াই

গুৱাহাটী,২৩ ছেপ্টেম্বৰ:যুদ্ধৰ পৰিস্থিতিৰ মাজতে ৰাছিয়াই ইউক্ৰেইনৰ চাৰিটা দখল কৰা অঞ্চলত গণভোটৰ ঘোষণা কৰে। ইউক্ৰেইনৰ ডনেস্ক আৰু লুহানস্ক অঞ্চল (সামূহিকভাৱে ডনবাছ বুলি কোৱা হয়) এই তালিকাত আছে, লগতে খেৰচন আৰু জাপোৰিজিয়াও আছে।

সেই চাৰিটা অঞ্চলেই ইউক্ৰেইনৰ মুঠ ভূমিৰ ১৫ শতাংশ। শুকুৰবাৰৰ পৰা সেই চাৰিটা অঞ্চলত গণভোট প্ৰক্ৰিয়া আৰম্ভ হৈছে। ফেব্ৰুৱাৰী মাহত যুদ্ধৰ আৰম্ভণিতে ভ্লাদিমিৰ পুটিনৰ সেনাই সেই চাৰিটা অঞ্চল নিয়ন্ত্ৰণ কৰিছিল। কিন্তু শেহতীয়াকৈ ইউক্ৰেইনৰ বাহিনীয়ে সেই প্ৰদেশসমূহৰ কেইবাটাও অংশ পুনৰ দখল কৰিছে।

দক্ষিণৰ খেৰচনৰ পৰা উত্তৰ-পশ্চিমৰ খাৰকিভলৈকে এক বহল অঞ্চলৰ পৰা ৰাছিয়ান বাহিনীয়ে পিছুৱাই গৈছে । পুটিনৰ আহ্বানত সেনাবাহিনীত ব্যাপক নিযুক্তি প্ৰক্ৰিয়াৰ পিছতে ৰাছিয়াৰ যুৱকৰ বহুটো দলে ভয়ত দেশ এৰি যাবলৈ আৰম্ভ কৰিছে।