ৰাষ্ট্ৰসংঘৰ সাধাৰণ পৰিষদত ৫ খন দেশে ভাৰতক কৰিলে প্ৰশংসা

গুৱাহাটী,৩০ ছেপ্টেম্বৰ:ৰাষ্ট্ৰসংঘৰ সাধাৰণ পৰিষদত ৫ খন দেশে ভাৰতক প্ৰশংসা কৰে। ১২ জন বিদেশী নেতাই একাধিক বিষয়ত ভাৰতৰ প্ৰশংসা কৰিছে বিশ্বৰ মজিয়াত । তেওঁলোকৰ বহুতেই ক'ভিডৰ সময়ত ভাৰতৰ সহায়ৰ বাবে ধন্যবাদ জ্ঞাপন কৰে। ফ্ৰান্সৰ ৰাষ্ট্ৰপতি ইমানুৱেল মেক্ৰন। ইউক্ৰেইনৰ যুদ্ধৰ সময়ত ৰাছিয়াৰ ৰাষ্ট্ৰপতি পুটিনৰ সৈতে নৰেন্দ্ৰ মোদীৰ মন্তব্যৰ বিষয়েও ৰাষ্ট্ৰসংঘৰ এই সমাৱেশত আলোচনা হৈছিল। ফ্ৰান্সৰ ৰাষ্ট্ৰপতিগৰাকীয়ে কয় যে ভাৰতৰ প্ৰধানমন্ত্ৰী নৰেন্দ্ৰ মোদীয়ে সঠিকভাৱে কৈছে যে আজিৰ যুগ যুদ্ধৰ যুগ নহয়। কেইবাখনো দেশে এই মন্তব্যক আদৰণি জনাইছে।

কিন্তু কেৱল ফ্ৰান্সেই নহয়, ব্ৰিটিছ প্ৰধানমন্ত্ৰী লিজ ট্ৰাছ আৰু জাৰ্মানীৰ চ্যান্সেলৰ ৱলজ শ্ব’লজে নতুন দিল্লীৰ সৈতে সম্পৰ্কৰ বিষয়টোও উত্থাপন কৰে। ব্ৰিটেইনৰ মতে ভাৰতৰ দৰে গণতন্ত্ৰত সম্পৰ্ক গভীৰ হৈ পৰিছে। শেহতীয়াকৈ দুয়োখন দেশৰ মাজত মুক্ত বাণিজ্য চুক্তি চলি আছে। আনহাতে, চলিত বৰ্ষৰ আৰম্ভণিতে জি-৭ৰ বৈঠকত উপস্থিত থাকিবলৈ জাৰ্মানীয়ে ভাৰতক আমন্ত্ৰণ জনাইছিল। পৰ্তুগাল, ৰাছিয়া আৰু ইউক্ৰেইনেও ভাৰতৰ শলাগ লয়। আফ্ৰিকা মহাদেশ, ব্ৰাজিল আৰু ভাৰতৰ বাবে স্থায়ী আসন থাকিব লাগে বুলি পৰ্তুগীজৰ প্ৰধানমন্ত্ৰী এণ্টনিঅ’ ক’ষ্টাই কয়।

মন কৰিবলগীয়া যে পৰ্তুগালৰ প্ৰধানমন্ত্ৰী নিজেই ভাৰতীয় মূলৰ। দেউতাকৰ পৰিয়ালটো গোৱাৰ আছিল। তেওঁ বহুবাৰ ভাৰত ভ্ৰমণ কৰিছে। এবাৰ ভাৰত ভ্ৰমণৰ সময়ত প্ৰধানমন্ত্ৰী মোডীক পৰ্তুগীজ ফুটবল আইকন ক্রিষ্টিয়ানো ৰোনাল্ডোৰ জার্চি উপহাৰ দিয়া হৈছিল৷আনহাতে, ভূটান আৰু নেপালে ৰাষ্ট্ৰসংঘত ভাৰতক ধন্যবাদ জ্ঞাপন কৰে । তেওঁলোকে কয়,"আজি আমাৰ সমগ্ৰ জনসংখ্যাৰ ৯০ শতাংশতকৈ অধিক লোকক সম্পূৰ্ণৰূপে টিকাকৰণ কৰা হৈছে । এই কাম সম্পূৰ্ণ কৰাত ভাৰতৰ ছিটা মৈত্ৰীৰ পদক্ষেপেহে সম্ভৱ কৰি তুলিছিল।"