জনি ডেপৰ বিৰুদ্ধে গোচৰত পৰাস্ত হৈয়ে এম্বাৰ হাৰ্ডে লাভ কৰিলে বিবাহৰ প্ৰস্তাৱ

গুৱাহাটী, ৮ জুনঃ আমেৰিকান অভিনেতা জনি ডেপ আৰু এম্বাৰ হাৰ্ড বহুদিনৰ পৰা বাতৰিৰ শিৰোনামাত আছে। শেহতীয়াকৈ, এম্বাৰ হাৰ্ডে জনি ডেপৰ বিৰুদ্ধে মানহানিৰ গোচৰত পৰাজিত হৈছে আৰু এই বিষয়টো যথেষ্ট আলোচনা কৰা হৈছে।

কিন্তু এইবাৰ আলোচনাৰ কাৰণ তেওঁলোকৰ গোচৰ বা জনি ডেপ নহয়, বৰঞ্চ এটা বিশেষ প্ৰস্তাৱ যিটো এম্বাৰে জনি ডেপৰ বিৰুদ্ধে চলি থকা গোচৰত পৰাস্ত হোৱাৰ কেইদিনমান পিছত লাভ কৰিছে। 

ঘটনা অনুসৰি, জনি ডেপৰ হাতত গোচৰটো হেৰুওৱাৰ কেইদিনমান পিছত, চৌদি আৰৱৰ এগৰাকী ব্যক্তিয়ে এম্বাৰ হাৰ্ডলৈ বিবাহৰ প্ৰস্তাৱ আগবঢ়াইছে। তেওঁ এই প্ৰস্তাৱটো এম্বাৰ হাৰ্ডৰ অফিচিয়েল ইনষ্টাগ্ৰাম একাউণ্টত এটা ভইচ নোটৰ জৰিয়তে প্ৰেৰণ কৰিছে।

এই অডিঅ'টোত, সেই ব্যক্তিজনে বহুকথা কৈছে আৰু এই অডিঅ'টো ছ'চিয়েল মিডিয়াত অতি দ্ৰুতগতিত ভাইৰেল হৈ পৰিছে।

এই ভইচ নোটত বিবাহৰ প্ৰস্তাৱ আগবঢ়োৱা চৌদি আৰৱৰ মানুহজনে কৈছে যে, "মই সেই বৃদ্ধ জনি ডেপতকৈ যথেষ্ট ভাল। এম্বাৰ... যিহেতু আপোনাৰ বাবে সকলো দুৱাৰ বন্ধ হৈ পৰিছে, আপোনাৰ যত্ন ল'বলৈ মোৰ বাহিৰে আপোনাৰ ওচৰত আৰু কোনো নাই।

মই দেখিছোঁ যে কিছুমান লোকে আপোনাক ঘৃণা আৰু উৎপীড়ন কৰি আছে, সেয়েহে মই আপোনাক বিয়া কৰাৰ সিদ্ধান্ত লৈছো। ইশ্বৰে আমাক দুয়োকে আশীৰ্বাদ কৰিব। মই সেই বৃদ্ধ ডেপতকৈ বহুত ভাল।"

এই ভইচ নোটটো Bee4andafter_kw নামৰ এটা ইনষ্টাগ্ৰাম একাউণ্টৰ জৰিয়তে পোষ্ট কৰা হৈছে আৰু পোষ্ট কৰাৰ পিছত মাত্ৰ তিনি দিনত ইয়াক ১,৫৬,৪০১ বাৰ চোৱা হৈছে।

উল্লেখ্য যে, ২ জুনত আমেৰিকাৰ আদালতে জনি ডেপ আৰু এম্বাৰ হাৰ্ড দুয়োকে মানহানিৰ বাবে দায়বদ্ধ বুলি দোষী সাব্যস্ত কৰিছিল, কিন্তু আদালতে পাইৰেটছ অফ দ্য কেৰিবিয়ান তাৰকা জনি ডেপৰ সপক্ষে ৰায় দিয়ে, যি ঘৰুৱা উৎপীড়নৰ কঠিন অভিযোগত তীব্ৰ বিচাৰৰ সন্মুখীন হৈছিল। বৰ্তমান, এম্বাৰে জনি ডেপক মানহানি হিচাপে প্ৰায় ১০ মিলিয়ন ডলাৰ পৰিশোধ কৰিব লাগিব।