পশুধনে উগাৰ মাৰিলে জৰিমনা দিব লগা হোৱা এক অনন্য নিয়ম প্ৰচলিত দেশখন

গুৱাহাটী, ১০ জুনঃ কৃষি আৰু দুগ্ধজাত সামগ্ৰীৰ ৰপ্তানিৰ বাবে বিখ্যাত নিউজিলেণ্ডে পৰিৱেশ ৰক্ষাৰ দিশত এনে সিদ্ধান্ত লৈছে, যিটো সমগ্ৰ বিশ্বতে আলোচনাৰ বিষয় হৈ পৰিছে।

পাঁচ নিযুত জনসংখ্যাৰ নিউজিলেণ্ডে মিথেনকে ধৰি সেউজগৃহ গেছৰ নিৰ্গমন বন্ধ কৰিবলৈ পশুধনে উগাৰ মৰাৰ ওপৰত জৰিমনা আৰোপ কৰাৰ প্ৰস্তাৱ প্ৰস্তুত কৰিছে। 

নিউজিলেণ্ডত ১০ নিযুততকৈও অধিক পশুধন আছে, যাৰ বেছিভাগেই ভেড়া ছাগলী আৰু গৰু। য'ত নিৰ্গত হোৱা মুঠ সেউজগৃহ গেছৰ প্ৰায় আধা কৃষিক্ষেত্ৰৰ পৰা আহে।

ইয়াৰ মুখ্য কাৰণটো হৈছে মিথেন গেছ। চৰকাৰ আৰু কৃষক সম্প্ৰদায়ৰ প্ৰতিনিধিসকলে প্ৰস্তুত কৰা খচৰা অনুসৰি, 'কৃষকসকলে ২০২৫ চনৰ পৰা তেওঁলোকৰ গৰুৰ পৰা নিৰ্গত হোৱা গেছ নিৰ্গমনৰ বাবে জৰিমনা ভৰিব লাগিব। 

কিছুমান গেছ এনেকুৱা যে সেইবোৰ দীঘলীয়া সময়ৰ বাবে বায়ুমণ্ডলত থাকে আনহাতে কিছুমান কম সময়ৰ বাবে থাকে। এনেদৰে, গেছ নিৰ্গমনৰ সময়সীমা অনুসৰি কৰ আৰোপ কৰা হ'ব।

একে সময়তে, কোনটো পশুধনে এদিনত উগাৰৰ জৰিয়তে কিমান মিথেন নিৰ্গত কৰে, ইয়াক এক পৃথক সূত্ৰৰে গণনা কৰা হ'ব।

নিউজিলেণ্ডৰ জলবায়ু পৰিৱৰ্তন মন্ত্ৰী জেমছে এই বিষয় সন্দৰ্ভত শ্ব'য়ে কয় যে, "এই চৰকাৰী প্ৰস্তাৱটোৱে কৃষকসকলক বাবে এক বিশেষ প্ৰেৰণা যোগান ধৰিব, যি সেউজগৃহ গেছ নিৰ্গমন হ্ৰাস কৰাত সহায় কৰিব।

একে সময়তে, বায়ুমণ্ডলত এৰি দিয়া মিথেন গেছৰ ওপৰত কৰ আৰোপ কৰাটোও নিশ্চিত। মিথেন গেছৰ নিৰ্গমনৰ ওপৰত জৰিমনাৰ মূল্য নিৰ্ধাৰণ কৰা প্ৰণালীয়ে ইয়াত এক গুৰুত্বপূৰ্ণ ভূমিকা পালন কৰিব।"