ককা, খুৰা, দেউতা, খুলশালীৰ নামেৰে নামাংকিত ভাৰতৰ কেইটামান বিশেষ ৰেল ষ্টেচন

গুৱাহাটী, ১৭ জুনঃ দেশৰ কিছুমান ৰেল ষ্টেচনৰ নাম শুনিবলৈ আশ্চৰ্যজনক। লগতে এই নামবোৰ উচ্চাৰণ কৰিলেও নিশ্চয়ই মুখত হাঁহি ওলাব। মানুহবোৰে ষ্টেচনবোৰৰ নামৰ সৈতে ফটো তোলে। এই আশ্চৰ্যজনক তথা হাষ্যকৰ ষ্টেচনৰ নামৰ শিতানত প্ৰথমত আছে ৰাজস্থানৰ যোধপুৰ জিলাৰ ছালি (খুলশালী) ৰেল ষ্টেচন । ই আজমিৰৰ পৰা প্ৰায় ৫৩ কিলোমিটাৰ দূৰত অৱস্থিত। এই ষ্টেচন উত্তৰ-পশ্চিম ৰেলৱেৰ সৈতে সংযুক্ত। 

একে সময়তে, উদয়পুৰৰ ওচৰত এটা ৰেল ষ্টেচন আছে যাৰ নাম নানা (ককা)। এই ষ্টেচন চিৰোহি পিন্দৱাৰাত আছে। এই ষ্টেচনটো উত্তৰ-পশ্চিম ৰেলৱেৰ যোধপুৰ বিভাগত অৱস্থিত। লগতে, এই ষ্টেচনটো ৰাজস্থানৰ পোখকাৰৰ পৰা খুব ওচৰত। 

ইপিনে, আন এটা অদ্ভুত ৰেল ষ্টেচন হৈছে ৰাজস্থানৰ যোধপুৰ জিলাৰ বাপ (দেউতা) ৰেল ষ্টেচন আছে। এই ষ্টেচনৰ চাইন বোৰ্ড প্ৰায়ে ছ'চিয়েল মিডিয়াত ভাইৰেল হৈ থাকে। কেৱল এয়াই নহয়, মানুহে এই ষ্টেচনত নামি চেলফিও লয়। মানুহে ছ'চিয়েল মিডিয়াত এই ৰেল ষ্টেচনটো অনুসন্ধান কৰে। 

ৰাজস্থানত আন এটা ষ্টেচনৰ নাম বিখ্যাত, যিটো সামাজিক মাধ্যমত সমালোচনা কৰোঁতে সকলো মানুহে ব্যৱহাৰ কৰে। ৰাজস্থানৰ জয়চলমিৰ জিলাত এনে এটা ৰেল ষ্টেচন আছে, যাক পঢ়ি মানুহে উপহাস কৰে। এই ষ্টেচনৰ নাম হৈছে ওধানিয়া চাচা (খুৰা) ৰেল ষ্টেচন। এই ষ্টেচনটো জয়চলমিৰৰ পৰা ৯৩.৬ কিলোমিটাৰ দূৰত। ৰাজস্থানত এনে ধৰণৰ আৰু বহুতো ৰেল ষ্টেচন আছে, যাৰ নাম যথেষ্ট বিখ্যাত - যেনে গুডিয়া, ফালানা, বাচী ইত্যাদি।