ক্ৰ'ৱেছিয়াৰ বিশ্ব কাৰাটেৰ ভাৰতীয় দলত অসমৰ সুৰজ কোঁৱৰ

গুৱাহাটী, ২২ জুন:অহা ২৭ জুনৰ পৰা তিনি জুলাইলৈ ক্ৰ’ৱেছিয়াত অনুষ্ঠিত হ'বলগীয়া আন্তঃৰাষ্ট্ৰীয় কাৰাটে প্ৰতিযোগিতাত ভাৰতীয় দলৰ হৈ স্থান লাভ কৰিছে তিনিচুকীয়া জিলা ডিগবৈৰ প্ৰতিভাৱান যুৱ খেলুৱৈ সুৰজ কোঁৱৰে । সুৰজ ডিগবৈ পাণবাৰী গাবঁৰ নিবাসী সুৰজ বিশ্ব কোঁৱৰ আৰু পদুমী কোঁৱৰৰ পুত্ৰ তথা ডিগবৈৰ বিবেকানন্দ একাডেমিৰ দশম শ্ৰেণীৰ ছাত্র। 

উল্লেখযোগ্য যে ক্ৰ’ৱেছিয়াত অনুষ্ঠিত হ'ব লগা আন্তঃৰাষ্ট্ৰীয় প্ৰতিযোগিতাখনত বিশ্বৰ ১৩০ খন ৰাষ্ট্ৰৰ প্ৰায় ১০ হেজাৰ খেলুৱৈয়ে অংশগ্ৰহণ কৰিব। কিন্তু আন্তঃৰাষ্ট্ৰীয় প্রতিযোগিতাখনিত অংশগ্ৰহণ কৰিব পৰাকৈ সুৰজৰ পৰিয়ালবৰ্গ আৰ্থিকভাৱে টনকিয়াল নহয়৷ প্রতিযোগিতাখনিত অংশগ্রহণ কৰিবলৈ প্ৰায় তিনি লাখ টকাৰ প্ৰয়োজন৷ সুৰজে আন্তঃৰাষ্ট্ৰীয় প্রতিযোগিতাখনিত অংশগ্রহণ কৰিবলৈ মনত প্ৰবল হেঁপাহ পুহি ৰাখিছে যদিও বৰ্তমান পর্যন্ত হাতত প্রয়োজনীয় ধনৰ অভাৱৰ বাবে হতাশাত ভুগিব লগাত পৰিছে।