১ জুলাইৰ পৰা কাৰ্যকৰী হ'ব নতুন আইন; বৃদ্ধি হ'ব কামৰ সময়, কমিব দৰমহা

গুৱাহাটী, ২৩ জুনঃ চৰকাৰে অহা মাহৰ পৰা অৰ্থাৎ ১ জুলাইৰ পৰা নতুন মজুৰী সংহিতা কাৰ্যকৰী কৰাৰ প্ৰস্তুতি চলাই আছে। ১ জুলাইৰ পৰা মজুৰী সংহিতাৰ পৰিৱৰ্তনে ব্যক্তিগত খণ্ডৰ কৰ্মচাৰীসকলৰ ওপৰত যথেষ্ট প্ৰভাৱ পেলাব। নতুন মজুৰী আইন কাৰ্যকৰী হোৱাৰ পিছত, কৰ্মচাৰীসকলৰ দৰমহা হ্ৰাস কৰা হ'ব। কিন্তু অৱসৰৰ পিছৰ লাভালাভ বৃদ্ধি হ'ব।

১ জুলাইৰ পৰা নতুন আইন কাৰ্যকৰী হোৱাৰ প্ৰস্তুতি আৰম্ভ হোৱাৰ লগতে নতুন শ্ৰমিক সংহিতাত সুবিধা আৰু অসুবিধা দুয়োটা থাকিব। বাতৰি অনুসৰি, নতুন মজুৰী সংহিতা ২০১৯, ১ জুলাই ২০২২ ৰ পৰা কাৰ্যকৰী হ'বলৈ সাজু হৈছে। উদাহৰণ স্বৰূপে, কৰ্মচাৰী এজনৰ কোম্পানীৰ ব্যয় অৰ্থাৎ চি টি চি অনুসৰি মৌলিক দৰমহা, এইচ.আৰ.এ., অৱসৰৰ লাভালাভ যেনে পি.এফ. আৰু গ্ৰেচুইটি আৰু অন্যান্য ভাট্টা থাকিব। 

ইপিনে, বিদ্যমান গাঁথনিত, কৰ্মচাৰীৰ প্ৰাথমিক দৰমহা ৩০ ৰ পৰা ৪০ শতাংশৰ ভিতৰত হয়। ইয়াৰ উপৰিও, পেঞ্চন ভাট্টা, এইচ.আৰ.এ., পি.এফ. ইত্যাদি থাকে। এই ভিত্তিত দৰমহাৰ পৰা পি এফ কৰ্তন কৰা হয়। কিন্তু এতিয়া নতুন গাঁথনি অনুসৰি, মূল দৰমহা চিটিচিৰ ৫০ শতাংশ হ'ব লাগিব। ই পিএফ আৰু গ্ৰেচুইটিৰ ওপৰত পোনপটীয়া প্ৰভাৱ পেলাব।

ইয়াৰ উপৰিও, নতুন মজুৰী আইনৰ অধীনত সপ্তাহত ৪৮ ঘণ্টা কাম কৰাটো বাধ্যতামূলক হ'ব। যদি কৰ্মচাৰীয়ে প্ৰতিদিনে ১০-১২ ঘণ্টা কাম কৰে, তেনেহ'লে প্ৰতিষ্ঠানটোৱে কৰ্মচাৰীজনক ৩ সপ্তাহৰ ছুটি দিয়াৰ ব্যৱস্থা থাকিব। 

উদাহৰণ স্বৰূপে, যদি কাৰোবাৰ চিটিচি ৫০ হাজাৰ হয়, তেন্তে তেখেতৰ মৌলিক দৰমহা হ'ব এতিয়া ১৫ হাজাৰ টকা। সেই অনুসৰি পিএফ প্ৰতি মাহে ১,৮০০ টকা হয় (মৌলিকৰ ১২ শতাংশ)। কিন্তু নতুন নিয়ম অনুসৰি, ৫০ হাজাৰ চিটিচিৰ ওপৰত, কৰ্মচাৰীজনৰ মৌলিক দৰমহা ১৫ হাজাৰৰ পৰা ২৫ হাজাৰ টকালৈ বৃদ্ধি হ'ব। ইয়াৰ ওপৰত, কৰ্মচাৰীজনৰ পিএফ অৱদান ১২ শতাংশ বৃদ্ধি হৈ ৩০০০ টকা লৈ বৃদ্ধি হ'ব।

অৰ্থাৎ, এতিয়া আগৰ তুলনাত প্ৰতি মাহে ১২০০ টকা কম পাব। ইয়াৰ লগতে, পিএফ আৰু গ্ৰেচুইটি দুয়োটাৰ ওপৰত প্ৰভাৱ পৰিব। এই দুয়োটা বস্তুৰ অৱদান বৃদ্ধিয়ে ঘৰৰ দৰমহা হ্ৰাস কৰিব। কিন্তু অৱসৰৰ সময়ত কৰ্মচাৰীজনে ইয়াৰ লাভালাভ পাবলৈ সক্ষম হ'ব।